Նոր Նորքի 2-րդ զանգվածի հանրակացարանի բնակիչների մեծ մասը փախստականներ են եւ այս 20 տարիների ընթացքում այդպես էլ չեն կարողացել աշխատանք գտնել, հոգալ օրվա հացը: 31-ամյա Թեմոնան 4 երեխաների մայր է: Այսօր հերթական անգամ պարտք է արել հարեւաններից՝ երեխաների համար «վազվրատ» հաց գնելու: Իսկ փախստական թոշակառուները կիրակին անց են կացնում հանրակացարանի պատշգամբում՝ հույս ունենալով, որ մի օր ամեն ինչ կարգի կընկնի: