Ես չեմ խուսափում տեսախցիկի առջեւ կանգնելուց եւ դեռեւս հույս ունեմ ստանալ հարցերիս պատասխաններն ավագանու թեկնածուներից: Իսկ մեր համաքաղաքացիների մեծ մասն այդ հույսն էլ չունեի: «1 հարց, 7 պատասխան» հաղորդաշարն այսօր շրջել է Երեւանի փողոցներով եւ առաջարկել քաղաքի բնակիչներին իրենց հուզող հարցերն ուղղել ավագանու թեկնածու կուսակցություններին: 20 հարցվածներից միայն 4-ը հարցեր ուղղեցին, իսկ մնացած բոլորի պատասխանը մեկն էր. «Չենք հավատում, որ որեւէ խնդիր լուծում կստանա այս երկրում»: Այստեղից հարց է առաջանում՝ ինչո՞ւ Երեւանցիները չեն վստահում ձեզ, հարգելի ավագանու թեկնածու կուսակցություններ: