Մարգարայում ավագանու անդամների արտահերթ ընտրություն կանցկացվի
2019 թվականի փետրվարի 17-ին Արմավիրի մարզի Մարգարա համայնքում կանցկացվի համայնքի ավագանու անդամների արտահերթ ընտրություն: Նման որոշում կառավարությունը կայացրեց իր այսօրվա նիստին:
Գործադիր ներկայացված որոշման նախագծում նշվում է, որ Մարգարայի ավագանու յոթ անդամներից մեկի լիազորությունները դադարեցվել է ավագանու անդամության հետ անհամատեղելի պաշտոն զբաղեցնելու պատճառով, իսկ երեք ավագանու անդամներ հրաժարականի դիմումներ են ներկայացրել:
Ավագանու անդամների թվաքանակը նվազել է օրենքով սահմանված թվաքանակի կեսից ավելիի չափով. ավագանու յոթ անդամից մնացել է երեքը: Այդ իսկ պատճառով, անհնարին է դարձել ավագանու նիստեր անցկացնելը:
Օգոստոսի 30-ին ավագանու մնացած անդամները կազմել են համայնքի ավագանու լիազորությունների վաղաժամկետ դադարեցման վերաբերյալ արձանագրություն: Այդ արձանագրություններն Արմավիրի մարզպետը ներկայացրել է տարածքային կառավարման և զարգացման նախարարություն:
Մեկնաբանել