2017-ին Սևանից բաց թողնված լրացուցիչ ջրառից արտադրվել է 1.6 մլդ դրամի էլեկտրաէներգիա
Էներգետիկ ենթակառուցվածքների և բնական պաշարների նախարարության արտաբյուջետային հաշվին առկա 1 միլիարդ 645 միլիոն դրամը կփոխանցվի պետական բյուջե:
Նման որոշում կայացրեց կառավարությունն այսօրվա նիստին՝ էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանի առաջարկով:
Նախարարության արտաբյուջեին հավաքագրված 1 միլիարդ 645 միլիոն դրամը 2017թ. ընթացքում Սեւանա լճից բաց թողնված ջրի` 170 մլն մ3-ը գերազանցող չափաքանակի հաշվին արտադրված էլեկտրական էներգիայի վաճառքից առաջացած շահույթ է: Այն ձևավորվել է «Միջազգային էներգետիկ կորպորացիա» և «Հայաստանի էլեկտրական ցանցեր» ՓԲԸ-ի հասույթի եւ կատարված ծախսերի տարբերությունից:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել