Հարմարվողականության հիմնադրամի (Adaptation Fund) խորհուրդը հաստատել է Բնապահպանության նախարարության «Բնապահպանական ծրագրերի իրականացման գրասենյակ» պետական հիմնարկի մշակած «Արթիկ քաղաքի փակված քարհանքի թափոնների և ջրհեղեղների կառավարում պիլոտային ծրագիրը»:

Ինչպես տեղեկացնում է ԲՆ-ն, ծրագրի իրականացման համար Հարմարվողականության հիմնադրամը Հայաստանին կտրամադրի 1,435,100 դոլար: Ծրագրի նպատակն է բարձրացնել Արթիկ քաղաքի դիմակայությունը հիդրոօդերևութաբանական սպառնալիքներին, որոնց հաճախականությունն ու ինտենսիվությունը աճում են կլիմայի փոփոխության պայմաններում: