![](/static/articles/97/28/l-S7gDYSiKPI.jpg)
«Հայացք». Կարապետիչին հանրապետականացնելու փորձը տապալվել է
Լավատեղյակ աղբյուրների փոխանցմամբ` վերջերս ՀՀԿ կարկառուն ու առանցքային գործիչներից մեկի և ԺԿ նախագահ Տիգրան Կարապետյանի միջև երևանյան ռեստորաններից մեկում հանդիպում է տեղի ունեցել:
Տիգրան Կարապետիչը Ռուսաստանից հյուրեր է ունեցել և նրանց հյուրասիրելու համար հրավիրել ռեստորան, որտեղ էլ պատահաբար հանդիպել է ՀՀԿ ազդեցիկ ներկայացուցչին: Նրանց միջև զրույց է ծավալվել:
Զրույցի ընթացքում, ինչպես հայտնում են թերթի աղբյուրները, ՀՀԿ-ական գործիչն ու Կարապետյանը քննարկել են նախընտրական շրջանի գործընթացները, որի ժամանակ ՀՀԿ անդամը Տիգրան Կարապետյանին «թանկարժեք» առաջարկ է արել` միանալ ՀՀԿ-ին և ստանալ մեծամասնական ընտրակարգով պատգամավորական աթոռ ու քաղաքական լայն լիազորություններ: Սակայն Տիգրան Կարապետյանը վրդովված և հանրապետական գործչի համար անսպասելի մերժել է առաջարկը և հեռացել: Նույն աղբյուրի փոխանցմամբ` Տիգրան Կարապետյանը, ոչ ավել, ոչ պակաս, ՀՀԿ ազդեցիկ ներկայացուցչին ասել է. «Ավելի լավ է` երբեք քաղաքականությամբ չզբաղվեմ, քան ձեզ հետ մտնեմ խորհրդարան»:
Մեկնաբանել