Հրազդան քաղաքում համայնքի ղեկավարի արտահերթ ընտրություններ են: 26/1 ընտրատեղամասում պասիվություն է նկատվում: Ընտրատեղամասը բացվել է առավոտյան ժամը 8:00-ին: Իսկ 11:40-ի դրությամբ ընտրությանը 1842 ընտրողից մասնակցել է 223 ընտրող, որոնցից 9-ը` օգնությամբ: Հիշեցնենք, որ Հրազդանի քաղաքապետի պաշտոնի համար թեկնածություն են առաջադրել «Քաղաքացիական պայմանագիր» կուսակցության անդամ, Սևակ Միքայելյանը՝ ՔՊ վարչության նախագահ Սասուն Միքայելյանի որդին և անկուսակցական Լևոն Ստեփանյանը։ Լևոն Ստեփանյանը հենց 24/1 ընտրատեղամասում է կատարելու իր ընտրությունը: