Էջմիածնի 14/16 տեղամասը հասանելի չէ հաշմանդամություն ունեցող մարդկանց համար
Էջմիածնում քաղաքապետի արտահերթ ընտրություններ են:
14/16 տեղամասերում ընտրողները պասիվ են:
Տեղամասում գրանցված է 1992 ընտրող, որոնցից ժամը 11:00 դրությամբ ընտրել է 143-ը:
Հանձնաժողովի նախագահ Արծրուն Գևորգյանը հրաժարվեց թարմ տեղեկություններ տրամադրել` հայտնելով, որ հաջորդ տվյալը հրապարակելու է միայն ժամը 14:00-ին:
Այս տեղամասը տեղակայված է էջմիածնի թիվ 6 մանկապարտեզի 2-րդ հարկում և հարմարեցված չէ հաշմանդամություն ունեցող անձանց համար:
«Հետք»-ի այն նկատառմանը, թե տեղամասը դժվար հասանելի է, հանձնաժողովի նախագահը պատասխանեց, որ քաղաքապետարանն այս տարածքն է հատկացրել:
«Մեզ ավել ոչինչ չեն տրամադրել: Մանկապարտեզում ուրիշ հարմար տարածք չկա»,-եզրափակեց Ա. Գևորգյանը` հավելելով, որ այս տեղամասում ընտրությունները միշտ էլ երկրորդ հարկում են եղել:
Նշենք, որ 12 թեկնածուներից 10-ն այստեղ ունեն վստահված անձ, տեղամասում կա 3 դիտորդ` տեղական կազմակերպություններից:
Օգնության համար գրանցվել է 5 քաղաքացի:
Մեկնաբանել