Էջմիածնի 14/07 տեղամասում արդեն քվեարկել է ընտրողների 12 %-ը
Էջմիածնում քաղաքապետի արտահերթ ընտրություններ են:
Ընդհանուր առմամբ տարբեր տեղամասերում քաղաքացիները պասիվ են:
14/07 ընտրատեղամասում գրանցված է 1995 ընտրող, որոնցից ժամը 12:30- ի դրությամբ ընտրել է 236 քաղաքացի:
Հանձնաժողովի նախագահ Սևակ Խաչատրյանի խոսքով` ընտրողները բավականին ակտիվ են:
Վտահված անձ ունի քաղաքապետի 12 թեկնածուներից 9:
Նրանց աթոռները տեղակայված էին այնպես, որ քվեախցի մի մասը տեսանելի էր (տես` գլխավոր լուսանկարում):
«Հետք»-ի այս նկատառմանն արձագանքեց հանձնաժողովի նախագահ Սևակ Խաչատրյանը` հեռացնելով տեղադրված աթոռները:
Տեղամասում ներկա են նաև տեղական դիտորդներ:
Հիշեցնենք, որ այսօր Հայաստանի 49 համայնքում ՏԻՄ ընտրություններ են, որից 17-ը` Արմավիրի մարզում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել