Արմավիրում դստեր փոխարեն ստորագրել է հայրը
Գայանե Մելքոնյանն այսօր ժամը 14:00-ին Արմավիր քաղաքի 16/13 ընտրատեղամաս էր եկել համայնքապետ ընտրելու: Տեղամասում պարզվեց, որ նրա փոխարեն ընտրացուցակի իր անվան դիմաց ստորագրվել և կնքվել է: Մոտ 10 րոպե ընտրողին սպասեցրին, որպեսզի պարզեն իրավիճակը:
Վերջում հանձնաժողովի նախագահ Պավլիկ Հարությունյանը ենթադրեց, որ Գայանեի փոխարեն ստորագրել է ընտրող Լյովա Պողոսյանը: Գայանեին թույլ թվեցին, որ նա էլ ստորագրի Լյովայի փոխարեն:
Հանձնաժողովի անդամների կարծիքներում հակասություն առաջացավ` արդյոք ճիշտ են արել, որ այլ անձի դիմաց ուրիշին թույլատրել են ստորագրել:
Գայանեն արդեն ընտրել և գնացել էր, սակայն հանձնաժողովի նախագահը բացեց քվեարկության կտրոնների փոքրիկ տուփը և փորձում էր գտնել հավանական քվեարկողին:
Եկավ Գայանեի մայրը, ով նախապես էր ընտրել և նշեց, որ ինքն ու ամուսինը քվեարկել են, սակայն չի երևում ցուցակում: Պարզվեց, որ Գայանեի փոխարեն ստորագրել էր հայրը: Եթե ընտրության գա Լյովա Պողոսյանը, նա էլ պետք է ստորագրի Գայանեի հոր փոխարեն:
Մեկնաբանել