Էջմիածնում քաղաքապետի արտահերթ ընտրություններ են: 

Առաջադրվել է 12 թեկնածու: 

Ինչպես քաղաքի այլ տեղամասերում, 14/19-ում ևս ընտրողներն ակտիվ չէին: 

15:49 դրությամբ` քվեարկել էր գրանցված 1980 ընտրողից 468-ը, ինչը կազմում է մոտ 23 տոկոս: 

Վստահված անձինք ունեն 12 թեկնածուներից 10-ը: 

Կան նաև դիտորդներ տեղական կազմակերպություններից:

Օգնողների թիվն այստեղ համեմատաբար շատ է` 11 հոգի: 

Հանձնաժողովի նախագահ Գրիշա Ամիրխանյանի խոսքով` դժվար թե մասնակցությունը գերազանցի ընտրողների թվի կեսը: 

«Ընտրությունները լավ իմաստով «ձանձրալի են»,- նշեց նա` պարզաբանելով, որ ոչ մի արտասովոր բան չի պատահում:

Հիշեցնենք, որ այսօր Հայաստանի 49 համայնքում ՏԻՄ ընտրություններ են, որից 17-ը` Արմավիրի մարզում: