Կառավարությունն այսօրվա նիստին որոշեց պետական մի շարք կազմակերպությունների՝ ավե­լացված արժեքի հար­կի (ԱԱՀ) գծով առաջացած հարկային պար­տա­վո­րու­թ­յու­նը մարելու նպատակով պետական բյուջեից հատկացնել 2 միլիարդ 111 միլիոն դրամ։

Այդ գումարից 520 միլիոն դրամը կտրամադրվի ոստիկանության «Լու­սան­շան» ՊՈԱԿ-ին, 55 միլիոն դրամը՝ արտակարգ իրավիճակների նախարարության «Տեխնիկական անվ­տան­գության ազգային կենտրոն»-ին,  214 միլիոն դրամը՝ «Անաս­նաբու­ժա­սանի­տա­րիայի և բուսասանիտարիայի ծառայու­թյուն­ների կենտրոն»-ին, 134 միլիոն դրամը՝ «Հանրապետական անաս­նա­բուժասա­նի­տա­րական և բու­սասանիտարական լաբորատոր ծառայություն­նե­րի կենտ­րոն»-ին։

Բացի այդ, մշակույթի նախարարությանը կհատկացվի 547 միլիոն դրամ՝ «Պատմամ­շա­կու­թային արգելոց-թանգարանների և պատմական միջավայրի պահպանության ծառա­յություն» ՊՈԱԿ-ի ավե­լացված արժեքի հար­կի գծով առաջացած հարկային պար­տա­վո­րու­թ­յու­նը վճա­րե­լու նպա­տակով:

Կրթության և գիտության նախարարության «Մատե­նա­դարան» Մ. Մաշտոցի անվան հին ձեռագրերի գիտահետազոտական ինստիտուտ» հիմ­նադ­րա­մի հարկային պարտավորությունների մարման նպատակով փոխանցվեց 638 միլիոն դրամ։

Այս նախագծով նաև պետական եկամուտ­նե­րի կոմիտեի «Հարկային ծառայության մարմնի համակարգի և մաքսային ծառայության նյու­թական խրախուսման և համակարգի զարգացման ֆոնդ» գումարը կրճատվեց 212 միլիոն դրամով, և այն փոխանցվեց պետբյուջե։