Մոլդովական 29/4 և 29/5 հասցեներում գտնվող հանրակացարանային մասնաշենքերի նկուղային և առաջին հարկերում բնակվող երկու ընտանիքների կառավարությունը նվիրեց իրենց զբաղեցրած բնակելի տարածքները։ Դրանք ամրացված էին պետական գույքի կառավարման կոմիտեին։

Կոմիտեն նշված հասցեում ուսումնասիրություններ է կատարել և պարզել, որ այդ տարածքների մի մասը փաստացի բնակեցված է, մյուս մասն օգտագործվում է հասարակական նպատակով, իսկ ընտանիքների մի մասը ներառված է ընտանիքների անապահովության գնահատման համակարգում: Արդյունքում՝ պետգույքի կոմիտեին պատկանող տարածքները բաժանվել էին գույքային միավորների։

Կառավարությունը որոշեց այդ տարածքում բնակվող երկու ընտանիքներին նվիրել իրենց փաստացի զբաղեցրած տարածքները։