Կառավարությունը հերթական նիստին առաջարկեց օրենսդիր մարմնին հոկտեմբերի 31-ին հրավիրել արտահերթ նիստ՝ օրակարգում համաներման նախագծի երկրորդ ընթերցմամբ քննարկումը։ Հարցը զեկուցեց արդարադատության նախարարի ժամանակավոր պաշտոնակատար Արտակ Զեյնալյանը։ Նիստը կհրավիրվի հոկտեմբերի 31-ին՝ ժամը 11:00-ին։

Օրակարգում է՝ «Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» Հայաստանի Հանրապետության օրենքի նախագծի երկրորդ ընթերցմամբ քննարկումը։

Հիշեցնենք, որ նախագծի առաջին ընթերցմամբ քննարկումը նախատեսված է հոկտեմբերի 29-ին։