Տեսանյութեր
Լուսանկարներ
Հետընտրական ծեծկռտուք՝ Ախալքալաքում. հարձակվել են Գրիգոլ Վաշաձեի նախընտրական շտաբի վրա
Այսօր Ախալքալաքի՝ «Միացյալ ազգային շարժում» կուսակցության և ընդդիմության թեկնածու Գրիգոլ Վաշաձեի՝ Թամար Թագուհու փողոցում տեղակայված նախընտրական շտաբի վրա հարձակվել են մի խումբ անձինք և ֆիզիկական բռնության ենթարկել շտաբում եղած անձանց:
Տուժածներին շտապօգնության մեքենաներով տեղափոխել են հիվանդանոց: Արդեն իսկ տեղում կենտրոնացել են ոստիկանական ուժերը և շրջափակել տարածքը:
Մեր տեղեկություններով՝ ծեծի ենթարկվողների մեջ են ընդդիմադիր Մելիք Ռաիսյանի որդին՝ Աշոտ Ռաիսյանը, Աբրահամ Աբրահամյանը և այլ անձինք: 4 անձ այս պահին գտնվում է հիվանդանոցում: Աշոտ Ռաիսյանը գլխի վնասվածք է ստացել:
Ներկաները պատմեցին, որ հարձակվողների շարքում եղել են պատգամավոր Հենզել Մկոյանի կողմնակիցները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել