![](/static/articles/97/77/l-8KnLnp2ggr.jpg)
«Չորրորդ ինքնիշխանություն». Եռակողմ հանդիպում` Հովհաննիսյան, Արզումանյան, Օսկանյան
Թերթի տեղեկություններով` երեկ «Սիվիլիթաս» հիմնադրամում հանդիպել են ՀՀ նախկին արտգործնախարարները` «Ժառանգություն» կուսակցության առաջնորդ Րաֆֆի Հովհաննիսյանը, «Ազատ դեմոկրատներ» կուսակցության ներկայացուցիչ Ալեքսանդր Արզումանյանը և «Սիվիլիթաս» հիմնադրամի նախագահ Վարդան Օսկանյանը:
Շրջանառվող խոսակցությունների համաձայն` երեք նախկին արտգործնախարարները քննարկել են ընդհանուր ձևաչափով դաշինք ստեղծելու հնարավորությունների հարցը: Վերջիններս այս նախաձեռնության շրջանակներում կարևորել են իրենց նախկին ստատուսը և դրանով պայմանավորված ընդհանուր հետաքրքրությունների պլատֆորմը:
Երեկ «Սիվիլիթաս» հիմնադրամից այս տեղեկությունը ոչ հաստատել են, ոչ էլ հերքել: Հիմնադրամի աշխատակիցը թերթին ասել է, որ ինքը իրավասու չէ պատասխանել այդ հարցին, իսկ նա, ով կարող է պատասխանել, օֆիսում չէ: «Ժամը վեցից հետո աշխատանքային ժամն ավարտված է», ասել է նա` այնուամենայնիվ խոստանալով թերթի թղթակցի հարցն ու հեռախոսահամարը փոխանցել «Սիվիլիթասի» մամլո քարտուղարին: Նրանից այդպես էլ թերթը զանգ չի ստացել:
Ինչ վերաբերում է Ալեքսանդր Արզումանյանին, ապա վերջինս չի պատասխանել թերթի հեռախոսազանգերին:
Մեկնաբանություններ (1)
Մեկնաբանել