HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Գաբրիել Բալայանը վստահեցնում է՝ հայկական երկու պետություններում ռազմագերի չկա

Հայաստանի և Արցախի հանրապետություններում չկա որևէ ռազմագերի։ Այս մասին կառավարության նիստից հետո լրագրողների հետ զրույցում ասաց պաշտպանության փոխնախարարի պաշտոնակատար Գաբրիել Բալայանը՝ արձագանքելով ադրբեջանական կողմի այն պնդումներին, թե Հայաստանը հրաժարվում է ռազմագերիների փոխանակումից։ Բալայանը նաև պնդեց՝ Ադբեջանից նման առաջարկ պաշտպանության նախարարությունը չի ստացել։

«Գերիների փոխանակման առաջարկ նախարարությունը չի ստացել, սովորաբար նման առաջարկներն ընդունված կարգին համաձայն՝ հիմնականում Կարմիր խաչի խողովակներով ենք ստանում, և ընդհանրապես չեմ  հասկանում, թե խոսքն ինչի մասին է՝ հաշվի առնելով այն,  որ Հայաստանում ռազմագերիներ գոյություն չունեն․ ո՛չ Հայաստանում, ո՛չ էլ Արցախում»,- ասաց Գաբրիել Բալայանը։

Պաշտպանության փոխնախարարի պաշտոնակատարի պնդմամբ՝ Հայաստանի ՊՆ-ն բավական բաց է աշխատում, իսկ այդ հայտարարությունն ըստ Բալայանի՝ ուղղված է Ադրբեջանի ներքին շահառուներին։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։