Հայաստանը գազի սակագնի նվազեցման շուրջ բանակցություններ է վարում «Գազպրոմ» ռուսական ընկերության և ՌԴ էներգետիկայի նախարարության հետ: Այս մասին կառավարության նիստից հետո լրագրողների հետ զրույցում ասաց Էներգետիկայի նախարարի պաշտոնակատար Գարեգին Բաղրամյանը։

«Գազի սակագնի հետ կապված այս պահին բանակցություններն ընթանում են և՛ սահմանին գազի գնի ձևավորման, և՛ ներքին կառուցվածքի հետ կապված: Որպեսզի չվնասենք բանակցությունների ընթացքին, դեռևս չեմ ուզում որևիցե բան ասել»,- նշեց Բաղրամյանը։