2,5 տարեկան Ժաննա Բաքոյանին բժիշկներն ախտորոշել են ուղեղի իշիեմիկ ինսուլտ: Արագածոտնի մարզից երեխային տեղափոխել են Երեւան, «Էրեբունի» ԲԿ, որտեղ առաջին անգամ Հայաստանում կատարվել է երեխայի գլխուղեղի անոթների ստենտավորում:

Այս մասին տեղեկությունն ու տեսնայութը տեղադրվել է բժշկական կենտրոնի ֆեյսբուքյան էջում։

Ցերեբրովասկույլար նյարդավիրաբուժության բաժանմունքի վարիչ Դավիթ Սահակյանը եւ ամերիկահայ հայտնի նյարդավիրաբույժ Միքայել Գրիգորյանը կատարել են աննախադեպ միջամտություն:

4 ժամ տեւած վիրահատությունից հետո փոքրիկը տեղափոխվել է մանկական հիվանդանոց, իսկ մեկ շաբաթից՝ հիվանդանոցից դուրս գրվել: