Երևան ժամանած Իլ դը Ֆրանսի շրջանային խորհրդի նախագահ Վալերի Պեկրեսի գլխավորած պատվիրակությունը քաղաքապետի տեղակալ Սերգեյ Հարությունյանի ուղեկցությամբ այսօր այցելել են «Թումո» ստեղծարար տեխնոլոգիաների կենտրոն: Երեւանի քաղաքապետարանի լրատվական ծառայության հաղորդմամբ` նրանք տեղում ծանոթացել են կենտրոնի գործունեությանը, նպատակներին ու հեռանկարներին:

Այցի ժամանակ «Թումո» կենտրոնի և ֆրանսիական INCO ընկերության միջև ստորագրվել է  համաձայնության հուշագիր, որով սկիզբ է դրվում երկու ընկերությունների համագործակցությանը:

Նշենք, որ INCO-ն աշխարհի 20 երկրներում աջակցում է 500 ստարտափների և 25 զարգացման ծրագրերի մեկնարկին ու առաջխաղացմանը: