HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Նիկոլ Փաշինյանի մասնակցությամբ ձայնագրությունը քննության առարկա կդառնա նախկինում հարուցված քրեական գործի շրջանակներում

ԱԱԾ պետ հեռախոսային  խոսակցությունների ձայնաագրությունը Նիկոլ Փաշինյանի և Սասուն  Խաչատրյանի հետ քննության առարկա կդառնա արդեն իսկ հարուցված քրեական վարույթի շրջանակներում: Այս մասին «Հետքի» հարցին  ի պատասխան ասաց Գլխավոր դատախազի խորհրդական Գոռ Աբրահամյանը՝ նշելով, որ գործի քննության շրջանակներում ձայնագրությանը կտրվի համապատասխան քրեաիրավական գնահատական:

Հիշեցնենք, որ այսօր համացանցում  է հայտնվել նոր ձայնագրություն, որում ԱԱԾ տնօրեն Արթուր Վանեցյանը Նիկոլ Փաշինյանի և ՀՔԾ պետ Սասուն Խաչատրյանի հետ քննարկում է երկրորդ նախագահ Ռոբերտ Քոչարյանի և ՀԱՊԿ գլխավոր քարտուղար  Յուրի Խաչատուրովի կալանքի վերաբերյալ:

Ավելի վաղ հրապարակվել էր  նույն թեմայի առնչությամբ մեկ այլ ձայնագրություն, որում կալանքի հարցը քննարկում էին ԱԱԾ տնօրենն ու ՀՔԾ պետը: Դրանում նշվում էր նաև Նիկոլ Փաշինյանի անունը:

Հրապարակված ձայնագրության հիման վրա երկու քրեական գործ էր հարուցվել, որոնք քննվում են Քննչական կոմիտեի վարույթում: