HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Անճշտություն` ընտրական ցուցակում

Աջափնյակ վարչական շրջանն ընդգրկող թիվ 2 ընտրատարածքի 6/29 ընտրատեղամասում տեղի է ունեցել խախտում:

Այս մասին տեղեկացրեց դիտորդական առաքելություն իրականացնող «Թրանսփարենսի ինթերնեյշնլ հակակոռուպցիոն կենտրոն»-ի դիտորդ  Լուիզա Գրիգորյանը:

«Ընտրատեղամասին փակցված ընտրողների ցուցակում ընտրողների քանակը 1831 էր նշված, այն չի համապատասխանել ընտրողների քանակին»,- նշեց դիտորդը:

Տվյալ ընտրատեղամասում գրանցված ընտրողների քանակը 1835 է:

Հանձնաժողովի նախագահ Աննա Հովհաննիսյանը սկզբում նշել էր, որ խախտումներ տեղի չեն ունեցել:

Այնուհետև պարզաբանեց, որ հենց դիտորդն է նկատել խախտումը, ինչը միանգամից արձանագրվել է գրանցամատյանում:

«Կնիկս ա, չասե՞մ՝ ում օգնի»,- բողոքեց թիվ 2 ընտրատարածքի 6/29 ընտրատեղամասի ընտրող Նորիկ Ավետիսյանը, երբ հանձնաժողովի անդամներից մեկը զգուշացրեց, որ իրավունք չունի միջամտելու:

Ընտրատեղամասում վստահված անձինք 2-ն են, երկուսն էլ «Քաղաքացիական պայմանագիր» կուսակցությունից:

Հանձնաժողովի նախագահ Աննա Հովհաննիսյանը մի քանի ընտրողների խնդրեց սպասել և չմտնել ընտրատեղամաս, քանի որ տեղամասում ընտրողների հերթ էր առաջացել:

Ընտրատեղամասում ևս մեկ խախտում տեղի ունեցավ: Ընտրողներից մեկը քվեաթերթիկները վերցրել և կատարել էր ընտրությունը՝ առանց ընտրողների ցուցակում ստորագրելու:

Հանձնաժողովի նախագահը նկատեց սխալը և, հանձնաժողովի անդամին նկատողություն անելով, շտկեց այն:

Նշենք նաև, որ հանձնաժողովի նախագահը վատ տեսողություն ունեցողներին տրամադրում է խոշորացույց:

Ժամը 11:00-ի դրությամբ 6/29 ընտրատեղամասում ընտրությանը մասնակցածների թիվը 175 է:

Սոնա Գրիգորյան

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։