Շիրակի մարզի Մարմաշեն խոշորացված համայնքի Մայիսյան եւ Փոքրաշեն բնակավայրերում ընտրական գործընթացը խաղաղ է՝ առանց որեւէ միջադեպերի, մարդակային կուտակումների եւ խախտումների: Մայիսյանի համայնքապետարանի դահլիճում տեղակայված 30/52 ընտրատեղամասում ժամը 11:40-–ի դրությամբ 1252 ընտրողից ընտրությանը մասնակցել էր 95 ընտրող: Հանձնաժողովի նախագահ Վարդան Հակոբյանի փոխանցմամբ, մասնակցության ակտիվություն չի նկատվում: Որպես համեմատություն նշում է անցած ՏԻՄ եւ ԱԺ ընտրությունները, որի նույն ժամանակային հատվածում ընտրողների թիվը 100-ով ավելի է եղել:

Փոքրաշեն համայնքի դպրոցում տեղակայված թիվ 30/57 ընտրատեղամասում 167 ընտրողից ժամը 12-ի դրությամբ ընտրություններին մասնակցել էր 43 հոգի: Այս համայնքում ընտրություններին մշտապես ապահովվում է մոտ 80 տոկոս մասնակցություն: Հանձնաժողովի նախագահ Ջանիբեկ Ղաֆարյանի փոխանցմամբ, օրինակ նախրոդ ՏԻՄ ընտրությունների ժամանակ քվեարկությանը մասնակցել է 120 հոգի:

Մայիսյանում եւ Փոքրաշենում ընտրողների ակտիվություն ակնկալում են օրվա երկրորդ կեսին: