HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հանձնաժողովի անդամները ծածկոցներով են աշխատում. Նար-Դոսի ընտրատեղամասերում ոչ ջեռուցում, ոչ ջուր, ոչ էլ զուգարան կա

Նար-Դոս փողոցի Նալբանդյանի անվան 33-րդ դպրոցում տեղակայված 9/08, 9/09 և 9/10  տեղամասերում ոչ ջուր, ոչ ջեռուցում, ոչ էլ զուգարան կա:  

Դպրոցի այն մասնաշենքը, որը տրամադրվել է ընտրատարածք ձևավորելու համար, չի գործում: Այստեղ միայն հոսանք է անցկացվել սարքավորումները միացնելու և տեղամասերն հոսանքով ապահովելու համար: Հանձնաժողովի անդամներն իրենց տներից էլեկտրական ջեռուցիչներ են բերել, սակայն հոսանքի լարերը չեն դիմացել և հալվել են, ինչից հետո ստիպված են եղել նաև անջատել էլեկտրական ջեռուցիչները:

«Մեր սառած դեմքերը նկարեք, հերիք է»,- կատակեց 9/10 տեղամասի հանձնաժողովի անդամներից մեկը:

Այս երեք ընտրատեղամասերում աշխատող հանձնաժողովի անդամներն ու դիտորդներն իրենց բնական կարիքները հոգում են 9/07 ընտրատարածքում, որը նույն դպրոցի այլ մասնաշենքում է գտնվում:

1286 ընտրողից 200-ից ավելին արդեն կատարել են իրենց ընտրությունը 9/10 տեղամաս: Հանձնաժողովի նախագահ Մանվել Անտոնյանը նշեց, որ այս ընտրություններում ընտրողների պասիվություն է նկատվում:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter