Եղվարդի 27/8 ընտրատեղամասում ԱՊՀ երկու դիտորդ էր ներկա։ Քաղաքը գտնվում է թիվ 10 ընտրատարածքն ընդգրկող Կոտայքի մարզում։ Նրանցից Լեւիչեւ Նիկոլայն ընդգծեց, որ դեռեւս որեւէ բողոք չեն լսել։

«Միջազգաին դիտորդն աշխատում է մինչեւ արդյուքների ավարտը ոչինչ չասել։ Այսօր արդեն եղել ենք այս շրջանի 12 ընտրատեղամասերում, նայում ենք՝ արդյոք ամեն ինչ պատրաստ է, համապատասխանում է օրենսդրությանը»,-նշում է նա՝ ընդգծելով, որ ամեն տեղ քվեարկությունն անցնում է նորմալ, առանց խախտումների։

Այնուամենայնիվ, ըստ վստահված անձանց, նշված ընտրատեղամասում մարդկանց թիվը շատ է։

Նշենք, որ այս պահին 10 վստահված անձ է գրանցված՝ 2-ական «Բարգավաճ Հայաստան» կուսակցությունից, «Իմ քայլը» և «Մենք» դաշինքներից, 1-ական՝ «Օրինաց երկիր» և «Լուսավոր Հայաստան» կուսակցություններից։

Հանձնաժողովի նախագահ Անիչկա Վարոսյանը, ով ՀՀԿ խմբակցությունից է, ընդգծում է, որ այստեղ մարդկանց հոսքը միշտ շատ է լինում, սակայն, ըստ նրա, կուտակումներ չկան։ Ավելին՝ ընտրախախտումներ չեն եղել։ Միայն ընտրողներից մեկն իր կտրոնն էր կորցրել։ Նորն են տրամադրել։

Անի Ավագյան