Թիվ 8 ընտրատարածքն ընդգրկող Գեղարքունիքի մարզի Նորաշեն գյուղի հիմնական դպրոցում տեղակայված 19/4 ընտրատեղամասի հարևանությամբ կայանված էր «Իմ քայլը» դաշինքի պատգամավորի թեկնածու Հայկ Սարգսյանի պաստառով ավտոմեքենա։ 

Մեքենան պատկանում է «Իմ քայլը» դաշինքի վստահված անձ Սևակ Մկրտչյանին։ Ընտրական հանձնաժողովի նախագահ Վալերիկ Դավթյանը ընտրատեղամասից ոտքով չափեց տեղամասի և մեքենայի միջև ընկած տարածությունը։ Ըստ Վալերիկ Դավթյանի չափումների՝ տեղամասի և ավտոմեքենայի միջև ընկած տարածքը գերազանցում է 50 մետրը։

«Ուղիղ 51 մետր է»,- չափումն ավարտելուց հետո ասաց Դավթյանը։

«Իմ քայլը» դաշինքի վստահված անձն, այնուամենայնիվ, հեռացրեց պաստառը։

Նշենք, որ 15։30 դրությամբ ընտրատեղամասում այլ անձի օգնությամբ ընտրությանը մասնակցել է շուրջ 10 քաղաքացի։

Ջեմմա Սարդարյան, Սոնա Աբունց