Արաբկիրի թիվ 4/31 ընտրատեղամասում ներկա միջազգային դիտորդներ Ալեկսեյ Կորնինենկոն և Սերգեյ Կարսենկան, շրջելով Երևանի 10-ից ավելի ընտրատեղամասերում , որպես հիմնական խնդիր նշեցին դիտորդների/վստահված անձանց կողմից ընտրողներին օգնելու փորձը։

Մեկ այլ խնդիր դիտորդները առանձնացրեցին կապված լուսավորության հետ։
«Մի ընտրատեղամասում քվեախցիկները ստվերում էին, և մարդիկ դժվարանում էին տեսնել։ Խնդիրը լուծվեց` քվեախցիկները մի փոքր առաջ բերելով», - ասաց ԵԱՀԿ ԽՎ դիտորդ Կարսենկան։

«Այժմ մենք նկատում ենք ընտրական բարձր ակտիվություն, որը չկար առավոտյան», - ավելացրեց Կարնինենկոն։

Նելլի Թարփոշյան, Սոնա Կաղզվանցյան