HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տիրայր Մուրադյան

Աբովյանի 29/10 տեղամասում քվեարկության գաղտնիությունը չէր ապահովվում (տեսանյութ)

Աբովյան քաղաքի թիվ 29/10 ընտրական տեղամասն այնպես է կահավորված, որ քվեատուփի մոտ նստած հանձնաժողովի անդամը հանգիստ կարող է տեսնել, թե քվեախցիկում ընտրողը որ քաղաքական ուժին է ձայն տալիս: Մենք տեսախցիկը շատ չմոտեցրեցինք քվեախցիկին, որպեսզի քվեարկության գաղտնիությունը չխախտենք, սակայն անզեն աչքով էլ հնարավոր էր տեսնել քվեարկության ընթացքը:

Թիվ 29/10 տեղամասային ընտրական հանձնաժողովի նախագահ Վաչագան Ենոքյանը «Հետք»-ի թղթակցի հետ զրույցում ասաց, որ ընտրական տեղամասի կահավորման մեջ որևէ խնդիր չի տեսնում, նույնիսկ վստահեցնում է, որ քվեարկության ընթացքը տեսանելի չէ, քանի որ քվեախցիկի հետևում հանձնաժողովականները պաստառ են կախել: Վաչագան Ենոքյանին խնդրեցինք, որպեսզի քվեախցիկին նայի այն դիրքից, որտեղից մենք տեսանկարահանել ենք, որից հետո նա արձագանքեց. «Եթե մտքներիս դնենք, ամեն ինչ էլ կարող ենք տեսնել: Եթե այսպես նայենք (գլուխը մոտեցնում է քվեախցի կողմը), կտեսնենք: Նման բան մեր մոտ չի եղել, ունեցել ենք միջազգային դիտորդներ, ունեցել ենք վստահված անձինք, որոնք կան: Եթե ինչ-որ բան լիներ, բոլորը մեզ կզգուշացնեին»:

Նշենք, որ մեզ մեկնաբանություն տալուց հետո հանձնաժողովի նախագահը մոտեցավ քվեախցիկներին և դրանք մի փոքր տեղաշարժեց, որպեսզի քվեարկող անձանց գործողությունները հնարավոր չլիներ տեսնել:

Մանրամասն՝ տեսանյութում:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter