Առինջ գյուղի 29/28 ընտրական տեղամասում ժամը 19:05-ի դրությամբ 1357 ընտրողից ընտրության է մասնակցել 613-ը: Այս մասին «Հետքին» ասաց հանձնաժողովի նախագահ Սամվել Մեսրոպյանը:

Ստացվում է, որ ընտրություններին մեկ ժամից էլ քիչ ժամանակ է մնացել, սակայն այս ընտրատեղամասում գրանցված ընտրողների կեսից ավելին չեն եկել քվեարկության:

Հանձնաժողովի նախագահը մեզ հետ զրույցում նշեց, որ այսօր ամբողջ օրվա ընթացքում հանձնաժողովի գրանցամատյանում խախտումներ չեն արձանագրվել: