400 ընտրող ունեցող Ծաղկաշենում ընտրությանը մասնակցել է 239-ը
Գեղարքունիքի մարզի Ծաղկաշեն համայնքն ունի մեկ ընտրատեղամաս (19/27), որտեղ քվեարկելու իրավունք ունի 400 ընտրող։ Հանձնաժողովի նախագահ, անկուսակցական Սարգսյան Հենրիկը և անդամները ջերմ, ընտանեկան մթնոլորտում անցկացնում են ընտրությունները, սակայն դրանց հիմնական դերակատարը՝ ընտրողը, բացակայում է։ Հանձնաժողովի անդամները կատակում են, թե ողջ գյուղն ընտրել է հանձնաժողովի նախագահի ունիվերսալ ակնոցով, բոլորին «հարմար» է եղել այն։ Իր ընտրությունն այսօր կատարեց 239 ծաղկաշենցի։ Ընտրատեղամասում չկար տեսանկարահանող սարք։ Գրանցամատյանում գրանցված օգնողների թիվը 10 է։ Ընտրատեղամասը և քվեատուփը փակվեցին 20։00-ին։
Մերի Սարգսյան
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել