«Բարգավաճ Հայաստան» կուսակցության կողմից առաջադրված Տիգրան Ուրիխանյանը հայտարարել է, որ իր օգտին քվեարկած քաղաքացիների ձայները գողացել են: 

Մասնավորապես, 4/40 տեղամասում Տիգրան Ուրիխանյանի օգտին տրված ձայներն անհայտացել  են։  Ըստ ԿԸՀ կայքում հրապարակված տվյալների՝  նա այդ տեղամասում  ստացել է 0 ձայն, սակայն  Ուրիխանյանի շտաբը հրապարակել է  4/40 տեղամասից ստացված  կնքված արձանագրությունը, որում նշված է 15 ձայն։  

«Սույնով տեղեկացնում եմ լրատվամիջոցներին և սպասում եմ իրավապահների և ԿԸՀ-ի արձագանքին։ Սա միայն մեկ տեղամասում (4/40)։ Աստված գիտի էլ քանի տեղ ու քանի ձայն են գողացել։ Հերթով ստուգում ենք ու բացելու ենք»,- ֆեյսբուքյան իր էջում գրել է թեկնածուն և հրապարակել նկարներ թիվ 2 ընտրատարածքի 4/40 ընտրատեղամասի արդյունքների արձանագրությունն ու ԿՀԸ-ի կայքում տեղ գտած հաշվարկները: