HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ընդլայնվում է հայ-ճապոնական համագործակցությունը սեյսմիկ պաշտպանության ոլորտում

Այսուհետ ԱԻՆ «Սեյսմիկ պաշտպանության տարածքային ծառայություն» ՊՈԱԿ-ը (ՍՊՏԾ) կհամագործակցի ճապոնական Challenge ընկերության հետ: ԱԻՆ-ը տեղեկացնում է, որ վերջինս մասնավոր ընկերություն է, որը մասնագիտացված է երկրաշարժերի վաղ ազդարարման համակարգերի ստեղծման և ներդրման ոլորտում:

Համագործակցութան շրջանակներում  նախատեսվում է Հայաստանի տարածքում իրականացնել ճապոնական կազմակերպության կողմից տրամադրված սարքերի փորձարկում, իսկ դրական արդյունքի դեպքում` սարքերի տեղակայում և կիրառում:

Վաղ ազդարարման ճապոնական EQGuard III սարքի աշխատանքը հիմնված է սեյսմիկ երկայնական P ալիքի հայտնաբերման և ազդանշանային համակարգի միացման սկզբունքի վրա: Սարքը կարող է տարբերել սեյսմիկ ալիքները միջավայրի աղմուկից, ունի մասնագիտացված ծրագրային ապահովում, ինչպես նաև ձայնային ազդանշանային համակարգ: Այն ավտոմատ կերպով տեղեկացնում է արտակարգ դրության մասին մինչև երկրաշարժի հիմնական ցնցումը, ունի կարգավորումներ, որոնք թույլ են տալիս անջատել տվյալ տարածքի կամ շինության գազամատակարարումը և էլեկտրասնուցումը:

Challenge ընկերության կողմից ՍՊՏԾ-ին փորձարկումների համար տրամադրվել է EQGuard III յոթ սարք: Դրանք արդեն տեղադրվել են Գառնիի երկրաֆիզիկական դիտարանում, Ստեփանավանում, Վարդենիսում, Գորիսում և Երևանում, իսկ մյուսները ՍՊՏԾ-ն կտեղադրի ՀՀ տարբեր վայրերում:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter