2012 թ.-ի սկզբին ՀՀ բնակչության ընդհանուր թվաքանակը 2011 թ.-ի տարեսկզբի համեմատ աճել է 11.700 մարդով (0.4%), այն կազմել է 3.274.300 մարդ: Այս մասին հայտնեց  Հայաստանի ազգային վիճակագրական ծառայության մարդահամարի և ժողովրդագրության բաժնի պետ Կարինե Կույումջյանն այսօր կայացած ասուլիսի ժամանակ:

Նախնական օպերատիվ ցուցանիշների համաձայն՝ 2010-ի համեմատ կենդանի ծնունդների թիվը  նվազել է  3,1 %-ով. 2011 թ. հունվար-դեկտեմբեր ամիսներին գրանցվել է 43.447 կենդանի ծնունդ:

Ըստ Կ. Կույումջյանի ներկայացրած փաստերի`  2010 թ. համեմատ մահացության դեպքերն աճել են 0,4 %,-ով. 2011 թ. հունվար-դեկտեմբեր ամիսներին գրանցվել է 28.030 մահվան դեպք:

2010 թ.-ի համեմատ աճել է նաև մեռելածնության ցուցանիշը. 2011 թ. գրանցվել է մեռելածնության 851 դեպք` նախորդ տարվա 844-ի դիմաց: 

Աննա Բաբաջանյան