Միհրան Հակոբյանն ու Սամվել Ֆարմանյանը ՀՀԿ-ից դուրս գալու դիմում են գրել
Վեցերորդ գումարման խորհրդարանի ՀՀԿ խմբակցության պատգամավորներ Սամվել Ֆարմանյանն ու Միհրան Հակոբյանը դիմում են գրել իրենց անդամակցությունը ՀՀԿ-ին դադարեցնելու մասին։ Այս մասին մեզ հետ զրույցում ասաց ՀՀԿ կազմակերպչական հարցերի հանձնաժողովի նախագահ Ռուբեն Թադևոսյանը։
Հակոբյանն ու Ֆարմանյանը դիմում են գրել հունվարի 8-ին, սակայն պատճառների մասին Թադևոսյանը ոչինչ չհայտնեց, միայն ասաց, որ վերջիններիս դիմումները կուսակցությունն ի գիտություն է ընդունել։
Հիշեցնենք՝ երեկ հայտնի դարձավ, որ Միհրան Հակոբյանը, Սամվել Ֆարմանյանը, Արման Սաղաթելյանը և Կարեն Բեքարյանը հիմնադրել են «Քառյակ մեդիա» ՓԲԸ-ն, որի կազմում են «Թերթ էյ եմ» ՍՊԸ-ն, «Արմնյուզ» ՓԲԸ-ն, «Ռադիո 107 ՖՄ» ՍՊԸ-ն։ Տեղեկացնենք, որ Կարեն Բեքարյանն ու Արման Սաղաթելյանը նույնպես ՀՀԿ խմբակցության պատգամավորներ էին, սակայն անկուսակցական։
Լուսանկարում ձախից՝ Միհրան Հակոբյանը, աջից՝ Սամվել Ֆարմանյանը
Մեկնաբանել