Երևան քաղաքի ընդհանուր իրավասության դատարանի Կենտրոնի նստավայրում սկսվեց երկրորդ նախագահ Ռոբերտ Քոչարյանի խափանման միջոցի գործով դատական նիստը: Մինչ դրա մեկնարկը՝ Քոչարյանի պաշտպաններից Արամ Օրբելյանը լրագրողներին հայտնեց, որ գործը քննող դատավոր Արթուր Մկրտչյանին ինքնաբացարկի միջնորդություն են ներկայացնելու: Պաշտպանն այս պահին չմանրամասնեց ինքնաբացարկի հիմքերը՝ խոստանալով դրանց մասին խոսել ավելի ուշ: 

Պաշտպանը նշեց, որ Ռոբերտ Քոչարյանը նիստին չի ներկայացել:

Հիշեցնենք, որ դատավոր Արթուր Մկրտչյանին են մակագրված ինչպես Քոչարյանի պաշտպանների՝ նրան գրավի դիմաց ազատելու, այնպես էլ Դատախազության միջնորդությունը՝ Քոչարյանի խափանման միջոց կալանքի ժամկետը երկարացնելու վերաբերյալ միջնորդությունները: