«Իմ քայլը» խմբակցության պատգամավոր Վահագն Գրիգորյանը մանդատից հրաժարվելու դիմում է ներկայացրել
«Իմ քայլը» դաշինքի պատգամավոր Վահագն Գրիգորյանը պատգամավորական մանդատից հրաժարվելու դիմում է ներկայացրել: Այս մասին ԱԺ նիստին հայտարարեց խորհրդարանի նախագահ Արարատ Միրզոյանը: Միրզոյանը հիշեցրեց, որ ԱԺ կանոնակարգ-օրենքի համաձայն՝ մադատից հրաժարված պատգամավորը, եթե մեկ շաբաթվա ընթացքում հետ չի վերցնում իր դիմումը, ապա կազմվում է արձանագրություն մանդատից հրաժարվելու մասին:
«Արձանագրության հրապարակման պահից հրաժարականը համարվում է ընդունված»,-ասաց Միրզոյանը:
ԱԺ նախագահի մյուս հայտարարությունը վերաբերում էր Բաքվի ջարդերի տարելիցին.
«Ճիշտ այս օրերին 1990 թվականին Բաքվում ընթանում էին հայկական ջարդեր, կարծում եմ՝ ԱԺ բոլոր պատգամավորները միակամ են դատապարտելու այդ բռնությունները և մերժելու բոլոր տիպի բռնությունները աշխարհի որևէ անկյունում»,- ասաց նա:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել