Չորեքշաբթի, 26 սեպտեմբերի

Երբ բիզնես շահերը գերակա են ռազմավարական բնակավայրի ու սրբությունների հանդեպ (վիդեո)



Քաջարանցի 80-ամյա Արաքսյա տատը միայնակ է ապրում. երկու աղջիկներն ամուսնացած են, տղաներից մեկն ապրում է Կապանում, մյուսը` Ռուսաստանում, երրորդ որդին էլ, ինչպես եւ ամուսինը, մահացել է:

Նրանք թաղված են գյուղի գերեզմանոցում, որից ոչ շատ հեռու այսօր երկրաբանահետախուզական աշխատանքներ են իրականացվում: Կառավարությունն ապրիլի 28-ին որոշել է Սյունիքի մարզի Քաջարան, Արծվանիկ, Սեւաքար, Աճանան, Չափնի ու Սյունիք համայնքների որոշ տարածքներում ճանաչել բացառիկ` գերակա հանրային շահ ու դրանք վարձակալությամբ տրամադրել «Զանգեզուրի պղնձամոլիբդենային կոմբինատ» ՓԲԸ-ին:

Արաքսյա Գրիգորյանի տունը գյուղի կենտրոնում է: Հետախուզական աշխատանքներն ընթանում են այստեղից մի քանի հարյուր մետրի վրա, եւ եթե տեղանքում նոր հանք բացվի, ոչ միայն Արաքսյա տատը, այլեւ ամբողջ բնակչությունը ստիպված կլինի գաղթել բնօրրանից: Թե ուր` չգիտի ոչ ոք: 

Քաջարան գյուղը տեղակայված է Զանգեզուրի լեռներից իջնող Ողջի գետի ձախ ափին: Աջ ափին շահագործվում է պղնձամոլիբդենային հանքը, որը Կառավարության որոշմամբ նախատեսվում է ընդլայնել համայնքի տարածքների հաշվին: Քաջարանցիները շոկի մեջ են:

«Իրանց էնտեղ ունեն 400-500 տարվա պաշար. մենք ըստեղ ենք ծնվել, իմանում ենք, թե ինչ ա կատարվում,- ցույց տալով գետի մյուս ափը` ասում է գյուղապետ Ռաֆիկ Աթայանը:- Ի՞նչ են ուզում գյուղից, թող մեզ հանգիստ թողնեն»:

Գյուղացիները համոզված են, որ իրենց տներին ու գերեզմանոցին հարող լանջերում հանքարդյունահանումը պարզապես ավելի էժան, քիչ ծախսատար կլինի, դրա համար էլ գյուղը դարձել է թիրախ: Ընդ որում` գյուղում հանք բացելու խոսակցությունները սկսվել են դեռ 5 տարի առաջ:

Ռ. Աթայանը պատմում է, որ հանքի էպիկենտրոնը հենց գերեզմանոցի վերեւում է, վերջերս կոմբինատից տրակտոր էին բերել այդ հատվածը փորելու համար, ինքը դեմ էր դուրս եկել ու հետ տվել տրակտորը: «Մենք հող տվող չենք, մեր տունը թողնենք, ու՞ր գնանք»,- ասում է 131 տուն ու 230 բնակիչ ունեցող համայնքի արդեն 15 տարվա ղեկավարը:

Քաջարան գյուղն ունի ավելի քան 6000 հա հող, որոնք ձգվում են նույնանուն քաղաքից մինչեւ Կապուտջուղ լեռը` Նախիջեւանի հետ սահմանը: Հողերը ծառայում են որպես խոտհարք, արոտավայր, վարելահող: Գյուղապետի ասելով` բնակիչների սեփականությունն են միայն տնամերձերը, մյուսները համայնքային են:

Կառավարության որոշմամբ` Քաջարանի համայնքային սեփականության 181,7 հա հողերը, այդ թվում` վարձակալությամբ տրված 27 հա-ն, օգոստոսի 1-ից փոխադրվելու են արդյունաբերական, ընդերքօգտագործման եւ այլ արտադրական նշանակության հողերի կատեգորիա ու տրվելու կոմբինատին: Ժամանակին գյուղապատկան 505 հա հող մտցվել է քաղաքի հաշվեկշիռ, որտեղ տեղակայված են կոմբինատի ենթակառուցվածքները:

Վերջինս գյուղում այսօր միայն 3 հա սեփականաշնորհած հող ունի, որի համար վճարում է տարեկան մինչեւ 22.000 դրամ գույքի եւ հողի հարկ: Ռ. Աթայանը պատմում է, որ չնայած կոմբինատի ղեկավարության կողմից միշտ էլ եղել են գյուղին աջակցելու խոստումներ, ցայսօր դրանք մնում են օդում. անբարեկարգ են ճանապարհները, չկա փողոցային լուսավորություն, համայնքը գազ չունի:

Միակ բանն այն է, որ դպրոց չունեցող գյուղի աշակերտները կոմբինատի հատկացրած ավտոբուսով են գնում-գալիս քաղաք: Հատկանշական է, որ հենց այս ընտրատարածքից է պատգամավոր ընտրվել «Զանգեզուրի պղնձամոլիբդենային կոմբինատ» ՓԲԸ-ի գլխավոր տնօրեն Մաքսիմ Հակոբյանի որդին` ՀՀԿ-ական Վահե Հակոբյանը, ով, ինչպես պատմում են քաջարանցիները, գյուղում երեւում է ընտրությունից ընտրություն, խոստումներ տալիս ու գնում:

Կոմբինատի ղեկավարությունը հավաստիացրել է, որ գերեզմանոցին ու տներին ոչ ոք ձեռք չի տալու, սակայն գյուղացիները համոզված են, որ եթե սկսվեն պայթեցումները, լանջերից թափվող քարի ու հողի զանգվածները ավերելու են թե գերեզմանոցը, թե տները, թե գյուղի միջնադարյան եկեղեցին:

«Ես էստեղ եմ ծնվել, մեծացել, մեր գյուղը լքող չեմ, ոչ էլ թույլ կտամ, որ գյուղիս ինչ-որ մեկը կպնի,- զայրանում է Գագիկ Հակոբյանը:- Հանքը շահագործելու դեպքում մենք ոչ մի տեղ չունենք գնալու: Իրանց էնտեղ ահագին պաշար ունեն, թող էնտեղ աշխատեն, խի՞ են աչքը գցում գյուղի վրա, գյուղացոց էլ նեղում: Ես ինքս փոխհատուցման չեմ համաձայնի: Գերեզմանոցը, սրբությունը ո՞վ ա քանդում: Ծնողներս, պապս, տատս, ջահել ախպերս գերեզմանոցում են, ինքը կարա՞ նրանց ոսկորները մեկ-մեկ հավաքի, տեղափոխի ուրիշ տեղ: Չի կարա, տալու ա էքսկավատորի կովշը, տանելու ա չգիտեմ որտեղ թափի»:

«Կոմունիստի ժամանակ 24.000 տոննա հանքաքար էին տալիս, հիմա կրկնապատկված ա, ու՞մ համար,- հարց է տալիս մեկ այլ քաջարանցի` Մերուժանը:- Վիկտոր Համբարձումյանը տարիներ առաջ եկել էր ըստեղ, կոմբինատի նախկին տնօրեն, մեր գյուղացի Ֆրունզ Հմայակիչն ասում ա` ընկեր Համբարձումյան, մենք օրական տալիս են այսքան տոննա հանքաքար, Համբարձումյանն էլ թե` տղա ջան, բա սերունդներին ի՞նչ ես թողնելու: Դա ասել ա ակադեմիկոս մարդը, բա դու էսօր միանգամից ընդլայնում ես ու՞մ համար: Գյուղից ես տարեկան ամենաքիչը 10.000 դոլարի արտադրանք եմ ստանում` կաթը, յուղը, պանիրը, 50 մեշոկ կարտոշկան, գազարը, կաղամբը, լոբին, միսը: Նեմեցը (նկատի ունի կոմբինատի գերմանացի փայատերերին - հեղ.) մտածում ա իրա բիզնեսի, ես էլ իմ բիզնեսի մասին: Էս չորս ցուլիկս որտե՞ղ եմ տանելու պահեմ, ո՞ր գյուղում ես կարամ ազատ շնչեմ: Գյուղատնտեսության զարկի մասին են խոսում, բայց մի հարյուր տեղից ուրիշ բան են ասում: Իրանք ուզում են մեր բիզնեսին կպնեն, իրանց բիզնեսը հարստացնե՞ն»:

Քաջարանցիների հիմնական զբաղմունքը հողագործությունը,  անասնապահությունն ու մեղվաբուծությունն է: Գյուղապետ Ռաֆիկ Աթայանն ասում է, որ համայնքը տարեկան արտադրում է 10-15 տ միս, 10-15 տ կարտոֆիլ, 5-6 տ լոբի, 20-30 տ խոտհարք: «100 աշխատատեղ են իբր բացելու, բայց իմ գյուղը 1000 հոգուց ավել մարդ ա սնում»,- նշում է Աթայանը` պարզաբանելով, որ 230 բնակիչները գյուղմթերքով օգնում են նաեւ քաղաքի իրենց բարեկամներին, այստեղ սեփականությամբ ու վարձակալությամբ հող ունեն նաեւ այլ համայնքների բնակիչներ:

«Էսօր որ շահագործումը սկսի, ի՞նչ պիտի անենք: Տեղ չունենք գնալու, ոչ էլ փող ունենք, գյուղացիները վարկի տակ նստած են: Մեխանիկորեն, արհեստականորեն ասում են` լքեք գյուղը: Սահմանը 4 կմ է հեռու, ես չգիտեմ` ինչ պիտի լինի,- իր տեղը չի գտնում համայնքի ղեկավարը:- Գենոցիդ են անում, ցեղասպանությունն էսօր էստեղ ա: Պետությանը ժողովուրդ պետք չի, պետք ա փող: Նամակ ենք գրել նախագահին, ԱԺ նախագահին, վարչապետին, ոչ մի պատասխան չկա: Էդ նույն նեմեցը Հայրենական պատերազմի ժամանակ մեր գյուղից 56 ջահելների գլուխը կերել ա, հիմա էլ եկել, մեզ տնից հանում ա: 1948-ից գործում ա գյուղի գերեզմանոցը, 1000-ից շատ շիրիմ կլինի: Գիտնականներ, ստախանովական հերոսներ են թաղված, էս հանքի հիմնադիրներն են թաղված: Իմ մայրն էլ ա էնտեղ թաղված, քարը բերել եմ, հլը գերեզմանը չեմ սարքել, ու՞ր տանեմ»:

Գյուղացիներից շատերը պատմում են, որ կոմբինատում փորձում են բանավոր ճնշումներ կիրառել հանքում աշխատող քաջարանցիների հանդեպ` հորդորելով նրանց չբողոքել:

Վահան Աթայանը, սակայն, ով կոմբինատում արդեն 25 տարվա էլեկտրափականագործ է, ասում է, թե իր դեմ նման բան չի եղել, սակայն խոսակցություններ այդ մասին «կողքից» լսել է:

Չնայած փոխհատուցման վերաբերյալ դեռ ոչ մի խոսք չի եղել, 52-ամյա Վահանը դրան դեմ չէ: Բայց մի պայման է առաջ քաշում. «Եթե նորմալ տարածք տան իմ հողի չափով, կտեղափոխվեմ, ինձ փող պետք չի, ընդհանուր գյուղը գերեզմանոցով եթե տեղափոխեն, անունը կդնենք Նոր Քաջարան»: Այդ դեպքում ինչպե՞ս է պատկերացնում գերեզմանոցի տեղափոխումը: Հարցին ի պատասխան` Վահանը, ում հայրը, եղբայրը, պապն ու տատը այստեղ են թաղված, թոթվում է ուսերը. «Դե, դա շուտվանից պիտի անեին»:

Ասում է, որ ժամանակին  ավելի լավ էր կոմբինատում, իսկ հիմա` ոչ այդքան: 130 հազար դրամ է ստանում շաբաթը 5 օր 8-ական ժամ աշխատելու դիմաց, տղաներից մեծը սովորում է Երեւանում, փոքրը բանակում է, Պարկինսոնի հիվանդությամբ անկողնուն գամված թոշակառու մայր ունի, կինն էլ կոմբինատում է աշխատում, ահագին պարտքեր ունեն, օրվա ապրուստի մի մասը վաստակում են` տնամերձը մշակելով:

«Մի օր էլ ընենց կըլնի, որ կլսենք, թե Հայաստանը առել են, կգան կասեն` հողերն առել ենք, դուք էլ ինչ ուզում եք, արեք»,- մտամոլոր ասում է Վահանը:

«Էստեղից մի քիչ հեռու Նախիջեւանն ա, ուզում եք Հայաստանն առանց հայերի՞,- կիսահռետորական հարց է տալիս քաջարանցի Մերուժանը,- սա մեր երկիրն ա, ի՞նչ փոխհատուցման մասին ա խոսքը: Ինձ էդ ինչքա՞ն փող ա տալու, ինձ պետք չի գամ Հյուսիսային պողոտայի դատարկ շենքերում ապրեմ: Երեւանում ինձ անելիք չունեմ: Մեր երկիրը թողնենք, բոլորս գնանք Երեւանում ապրե՞նք: Ախպերս Մոսկվայում ա ապրում, ես էլ գնա՞մ: Հիմա մենք բոլորս թողնենք Հայաստանը, գնա՞նք: ՀՀ Սահմանադրության 2-րդ հոդվածով իշխանությունը պատկանում ա ժողովրդին, 600 հոգի դեմ ա ստորագրել, բա ու՞ր ա»:

Սյունիքի մարզպետարանում Քաջարանի խնդրից տեղյակ են, սակայն գյուղացիներից ոչ պակաս անորոշ վիճակում են մարզի ղեկավարները:

Փոխմարզպետ Վաչիկ Գրիգորյանն ասում է, որ համայնքի ղեկավարի` պետական մարմիններին ուղղված նամակից հետո պետք է մասնագիտական ուսումնասիրություններ կատարվեին, թե ինչքանով կարող է հանքի ընդլայնումը վնասել համայնքին. «Վերջնական արդյունքները չկան, բայց, իհարկե, անհանգստացնող է: Համայնքի բնակիչներն անհանգստանում են գերեզմանների կորստով, եւ այդ մասին երկրի բարձրագույն իշխանությունները տեղեկացված են:

Ասում են, որ ընդլայնումը վնաս է հասցնում, ասենք, գերեզմաններին, բայց մինչեւ դա չուսումնասիրվի, մենք չենք կարող պատասխանել: Հարցը մեր ուշադրության կենտրոնում է, եւ չենք թողնում մեր ուշադրությունից դուրս, մեկ է` ուզենք, թե չուզենք, պետք է արձագանքենք»:

Սահմանամերձ գյուղի դատարկման վտանգի մասին էլ նշում է. «Միշտ մտավախություն ունենք: Մենք չենք կարող մեզ շքեղություն թույլ տալ, որ մեր սահմանամերձ գյուղերը, եւ ընդհանրապես մեր գյուղերը սակավաբնակ են, դատարկվեն: Չպետք է թողնել, որ բանը դրան հասնի, պետք է գտնել միջինը, որ բնակչությունը չտուժի, մենք հենց այդ ուղղությամբ ենք շարժվում»:

«Զանգեզուրի պղնձամոլիբդենային կոմբինատ» ՓԲԸ-ի ղեկավարությունից մեկնաբանություններ ստանալ չհաջողվեց: Ընկերության երեւանյան գրասենյակի աշխատակցուհին տեղեկացրեց, որ չունի գլխավոր տնօրեն Մաքսիմ Հակոբյանի հեռախոսահամարը, փոխարենը խորհուրդ տվեց զանգահարել Քաջարան, որտեղ, ըստ նրա, միշտ լինում է Հակոբյանը: Քաջարանից, սակայն, մեր զանգերին պատասխանող չեղավ:

Վտանգված է նաեւ հին գյուղի միջնադարյան եկեղեցին

Քաջարան գյուղը հին բնակավայր է: Վերջինիս հարեւանությամբ գտնվող Գանձասարի բաց հանքում պահպանված հեթանոսական մատուռը, այժմյան Քաջարան քաղաքի տարածքում հայտնաբերված հանքախորշերը, ձուլարանների հետքերը, հանքանյութի թափվածքները, ըստ մասնագետների, վկայում են, որ այս տարածքում երկաթ ու պղինձ են ձուլել դեռեւս բրոնզի դարում:

Ճարտարապետ Ստեփան Նալբանդյանի փոխանցմամբ` ենթադրվում է, որ սա 13-րդ դարի պատմիչ Ստեփանոս Օրբելյանի հիշատակած Սյունիքի Ձորք գավառում գտնվող Կաճաճուտ գյուղն է (Ալիշանի մոտ` Կաճաճա), որն ուշ միջնադարում կոչվել է Քչանանց, իսկ հետո` Քաջարանց: Գյուղը պարբերաբար հիշատակվել է 18-րդ եւ 19-րդ դարի աղբյուրներում: 1947-ին` ներկայիս պղնձամոլիբդենային հանքավայրը շահագործման հանձնելուց հետո, գյուղն ընդլայնվել է ու վերածվել քաղաքատիպ ավանի, որը 1951-ին վերանվանվել է Քաջարան, իսկ 1958-ին միավորվել Ողջի ավանի հետ ու դարձել Քաջարան քաղաք:

Գյուղապետ Աթայանը ցույց է տալիս նախկին բանավանի ավերակ շինություններն ու պատմում, որ ներկայիս քաղաքը աստիճանաբար տեղափոխվել է գետի համեմատաբար ստորին հոսանք, որտեղ նախկինում եղել է Ողջի բնակավայրը: Իսկ երբ 1968-ին երկրաշարժ է եղել, ու գյուղացիներից շատերը կորցրել են իրենց տները, պետությունը նրանց փայտյա ֆիննական տնակներ է տրամադրել, որոնք տեղադրվել են Ողջի գետի ավելի վերին հոսանքում ու ափից համեմատաբար բարձր` հարակից լանջին, որտեղ եւ հիմա տարածված է գյուղը:      

Այստեղ է գտնվում 17-րդ դարի Սուրբ Հակովբ եկեղեցին, որի ապագան, ի թիվս գերեզմանոցի ու գյուղի տների ճակատագրի, անհայտ է: «Սբ. Հակովբ եկեղեցին, կառուցված լինելով գետաքարերով, իր ճարտարապետական ձեւով եզակի է հայ ուշ միջնադարյան եկեղեցաշինության մեջ,- ասում է ճարտարապետ Ս. Նալբանդյանը:- Այն շատ հետաքրքիր է իր պահպանված կղմինդրյա ծածկույթով: Սա այն հազվագյուտ երեւույթներից է, որ հանդիպում ենք մեր միջնադարյան կառույցներում: Այլ տեղերում այն գրեթե չի պահպանվել, կամ էլ պեղումների արդյունքից ենք տեղեկացել, որ այն կղմինդրածածկ է եղել: Եկեղեցու շրջակայքում տեղի են ունեցել բազմաթիվ պատմական իրադարձություններ, եւ այն մեր Սյունյաց աշխարհի կարեւորագույն պատմական հուշարձաններից մեկն է, իսկ քաջարանցիների համար` միակ հոգեւոր կառույցը»: Տեղացիները հաստատում են, որ իրենց մատաղը միշտ այստեղ են անում, այստեղ են մոմ վառում, սակայն քանի որ կառույցը չի գործում, պսակադրությունն ու կնունքը կատարում են Կապանում:

2010-ին գյուղացիների նախաձեռնությամբ եւ մշակույթի նախարարության պատմության եւ մշակույթի հուշարձանների պահպանության գործակալության հաստատած նախագծով սկսվել են եկեղեցու վերականգնման աշխատանքները: Շուրջ 30 մլն դրամի նախահաշիվ է կազմվել: Համայնքը սեփական ուժերով հավաքել է 1 մլն դրամ, 4 մլն էլ նրանց խնդրանքով տրամադրել է գործարար Գագիկ Ծառուկյանը:

«Աբովյանցի Ծառուկյան Գագոն 4 մլն փող ա տված մեզ, բայց մեր կողքին, մեր փողերը տանում ա գերմանացին, մեզ կոպեկ չի տալի»,- ասում է քաջարանցի Մերուժանը: Կատարվել են որոշակի աշխատանքներ, սակայն հավաքված 5 մլն-ը ծախսելուց հետո դրանք կանգնեցվել են:

Մերուժանը ցույց է տալիս միջնադարյան կղմինդրներն ու նշում, որ պահպանվել է դրանց 1/3 մասը, մնացածը` նույն տեսքի ու չափսի, պետք է ձեռք բերեն Երեւանից: Պեղումների ժամանակ հայտնաբերվել են նաեւ գյուղի քահանաների ոսկորները: Իսկ այսօր գյուղացիները անորոշության տագնապով են նայում եկեղեցուց շուրջ 500 մ-ի վրա աշխատող հետախուզական մեքենային ու նույնքան անորոշությամբ սպասում իշխանություններին ուղղված իրենց նամակի պատասխանին:  

Հ.Գ. Քաջարանից մեր հեռանալուց հետո ահազանգեց գյուղապետ Ռ. Աթայանը եւ հայտնեց, որ հերթական անգամ սպառնացել են կոմբինատում աշխատող գյուղացիներին:    



Գլխավոր էջ


Տես նաև՝

ավելին



Մեկնաբանություններ (12)
1. Varaz Syuni (Amsterdam)05:02 - 29 հունիսի, 2011
«Զանգեզուրի պղնձամոլիբդենային կոմբինատ» ՓԲԸ-ն PITI ANMIJAPES azgaynatsnel. Urish elk el CHKA. Ays կոմբինատը LRIV lktiatsel, u AJ u DZAX (anpatizh) KORTSANUM u PXTSUM e MER Hayreniky yev mer BNUTIUNY......................Yekamutneri METS MASY gtnum e OTARNERIN u MAFIA-i grpany...........................Uxaki piti AZGOVI u HAMATARATS UZHEROV kangel ays combinati MAFIA-i dem.
2. Varaz Syuni (Amsterdam)05:07 - 29 հունիսի, 2011
Քաջարան gyuxi/kaxaki shrjakayky ERBEK chi tesel OTAR NVACHUM u ERBEK ays hoxaktory CHI pxtsvel Hay AMBOXCH patmutian yntatskum.................Isk hima MER PAPERIN MORTATS Germanatsu zavaky PITI GA u ORY TSEREKOV kortsani u PXTSI mer hoxery?
3. Varaz Syuni (Amsterdam)05:34 - 29 հունիսի, 2011
Կառավարության ապրիլի 28-ի որոշումը yes MIANSHANAK hamarum em MAHATSU yev tshnamakan HARVATS Hayastani (yev Սյունյաց աշխարհի ) ANVTANGUTIAN tikunkin, vorovhetev ապրիլի 28-ի voroshman GYUXERY (hatkapes Քաջարան գյուղը ) uni HSKAYAKAN razma-strategiakan NSHANAKUTIUN. Yes ays BOLOR gyuxery IM SEPAKAN ACHKEROV tesel em...........................................Hima galis e AMENA-KAREVOR hartsy: Ayd UM e DZERK TALIS vor ays HSKAYAKAN razma-strategiakan nshanakutian gyuxery/taratksy HAYATAPVI u veratsvi ANMARDABNAK hankeri?
4. Varaz Syuni (Amsterdam)05:41 - 29 հունիսի, 2011
Zhamanaky CHE «Զանգեզուրի պղնձամոլիբդենային կոմբինատ» ՓԲԸ-ի ղեկավարության dem sksel KREAKAN gorts- yndhup minchev mijazgayin dataranner?.........................................PS. SHNORHAKALUTIUN Hetq-in ays SHAT KAREVOR hartsin parberabar andradarnalu hamar.
5. Varaz Syuni (Amsterdam)06:03 - 29 հունիսի, 2011
Կապանում gortsox KHUSTUP TV-i tnoren paron քաջարանցի SASUN MANUKIAN - de APATSUTSEK bolorin vor (texakan) hankardyunaberutian KAMAKATARNER chek...... LUR ek-nayev ays harstum, erb vor dzer/ko ays ANOGNAKAN u xexch hama-Քաջարանցիnery mnatsel en MENAK - AGAH u ERKATE CHANKEROV (petutian koxmits hovanavorvox) mi MAFIA-i araj.............................. "Dzer" "ankax" TV-n ogtagortsum ek himnakanum KO ANDZNAKAN kerpary METSATSNELU u TUNAVOR "Deno Gold Mining"-i hamar "dzri" PROPAGANDA anelu hamar. ..........PS. Nuyny verabervum e nayev Մաքսիմ Հակոբյանի u ir ՀՀԿ-ական որդի Վահե Հակոբյանի koxmits "chhskvox" texakan SOSI-TV-in.
6. Varaz Syuni (Amsterdam)06:12 - 29 հունիսի, 2011
Norits asem hetevyaly: Hankardyunaberutiuny KORTSANUM u KORTSANELU e Սյունյաց աշխարհը. Yerevany LRIV ANTARBER e. Usti Syukiny PITI UNENA inknavarutiun- ir BOLOR NERKIN hartsery INKNURUYN KARAVARELU hamar...........................Syunikin PETK e 2rd DAVIT-BEK-ian sharjum.................Xosks "Davit-Bekian Uxter", "Syuniac Artsivner" kam nmanatip ՀՀԿ-ական TATRON/PROPAGANDANER-i masin CHE.
7. rahageets12:36 - 29 հունիսի, 2011
Please Hetq...Tell this Varaz to either write a full article expressing his views in a coherent manner or else limit him to one ow two comments - and not 6 like he has done here and elsewhere. It gets tiring for the rest of us readers.
8. Txa belgiaic 17:26 - 29 հունիսի, 2011
Varaz Syuni(Amsterdam)Paron chem haskanum es pesi duq barkanumek mer karawarucan vra de gnacek hexapoxek dra texe dukelek paxel ewropa gidek te stexel halac tapaca stexi shefere aitpes kochvac CEO)nere dranc howanawornen Ewropain ew EWREJA XEXT amerikain dzera talis vor aispisi xxchuk karawarucun unecox erknerin karanal chnsheel che vor CAESAR@ asela bajani u tiri ews mek ban chek karcum vor hasfi arnelov vor XARABAXCIK sksac 90 akan twakaneric erevan@ isk ira bnakichneri larela xopan u xarabaxciken lcvel kochariyani shnoriv putini oknucamb vor@ hamadasarancineren exel mtacelu like texika tali es paster@.
9. Varaz Syuni (Amsterdam)18:54 - 29 հունիսի, 2011
rahageets - You DO NOT react or comment on the CONTENT of what I have written in my comments. You do NOT react or write a comment on the WHOLE TRAGEDY of the artice, but you chose to NAG about how many comments I wrote? So I wrote 6 commnets, or 1 comment, or 16 comments. Does it matter? I write 6 or 16 comments because the artice TOUCHES me and WANT TO WRITE 6(16) comments. What IS YOUR problem? I take the TIME and emotions to write them- not you. If you "CAN NOT" read 6 small comments then DO NOT read them. Do not you think that you are getting really ANNOYING. I guess you even do not read Armenian..............Use your energy for DOING SOMETHING for SOMEONE, and NOT nagging and asking to PUT LIMITATIONS on somebody. SHAME ON YOU. Really...................... And you are NOT "the rest of us readers". You are JUST only you- 1 person. So speak ONLY on your behalf.
10. Varaz Syuni (Amsterdam)19:08 - 29 հունիսի, 2011
Txa belgiaic - 1. Yes chem paxel, yes yekel em. Ashxarhum MILLIONAVOR MARDIK en gnum/galis- ayl termov: GlOBALISATIA. Menk aprum enk POST-MODERN ashxarhum. Heto, indz pes mot 1 MILLION Hay (yerevi nayev du) ka- OBJECTIF yev/kam SUBJECTIV patcharnerits yelnelov... Maty PITI dnel ISKAKAN mexavorneri vra-sra hamar.........2. Commentid 2rd masum ka chshmartutiun. Bayts, KONKRET HIMA, Hayastantsinery PITI sksen. Drsits karox en miayn OZHANDAKEL/ognel. Ko tan axby PITI skses du makres, vor KOXKITS kez ognen.
11. rahageets22:01 - 29 հունիսի, 2011
Hey Varaz... Get a life, man. Instead of writing 8-10 disparate comments, focus and write something with a begiing, middle and an end. Oh, and I do read Armenian and have enough trouble to get past your Latin lettered Armenian, let alone what you are trying to say. Some of what you say makes sense but your presentation leaves much to be desired. You seem to have enough free time on your hands so compose something we can all sink our teeth into. Good Luck!
12. Varaz Syuni (Amsterdam)04:56 - 30 հունիսի, 2011
rahageets- I have a life. I write comments -not an university graduate essay. And this is NOT an exam either. You better concentrate on your own comments and try to say something meaningful- instead of attacking others personally-off content. And, plz, I do not have time for you. Thanks.
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ