ՈՒրբաթ, 21 սեպտեմբերի

Ձկան կերի շուկայի գերիշխողների հետևում երկու պաշտոնյաներ են կանգնած



Քրիստինե Աղալարյան
Գրիշա Բալասանյան 

Հայաստան ձկան կեր ներկրող 32 տնտեսվարող սուբյեկտ կա, սակայն  շուկայում գերիշխողը երկուսն են: Նրանց հետևում բարձրաստիճան պաշտոնյաներ են կագնած:

«Սագատի» և «Սագատի Ֆիշ» (նույն տնտեսվարող սուբյեկտն է` տարբեր կազմակերպություններով), ինչպես նաև «Մխչյան Ֆիշ Ֆուդ» ՍՊԸ-ները գրավում են տվյալ շուկայի 80 %-ը: 

«Մխչյան Ֆիշ Ֆուդ» ՍՊԸ-ի պաշտոնական բաժնետերը ՀՀ Աազգային ժողովի նախկին պատգամավոր Հենրիկ Աբրահամյանն է` ՀՀ ԱԺ նախագահ Հովիկ Աբրահամյանի եղբայրը: Ընկերությունը գրանցված է Աբրահամյանի ծննդավայր Մխչյան գյուղում: Սակայն ոլորտում բոլորը գիտեն, որ ընկերության հետևում կանգնած է Հովիկ Աբրահամյանը:

Հիշեցնենք, որ Հովիկ Աբրահամյանն ու իր խնամի Գագիկ Ծառուկյանը Արարատի մարզի Զորակ համայնքում խոշոր ձկնաբուծարան ունեն: Աբրահամյան եղբայրները ձկնաբուծարան ունեն նաև Մխչյան գյուղում, և ներկրած կերը բավարարում է ոչ միայն իրենց տնեսություններին, այլ նաև վաճառքի է հանվում:

««Սագատի» և «Սագատի Ֆիշ» ՍՊԸ-ները նույն հիմնադիրներն ունեն` Տարիել Բարսեղյան, Գարիկ Սլոյան և Ալվինա Գրիգորյանը: Այս եռյակի մասին արդեն գրել ենք, երբ անդրադարձել էինք նրանց ձկնաբուծական տնտեսությանը: Նրանք մեկ այլ` «ՋԻՏԻԷՍ-ԻՄՄՕ» ՍՊԸ-ով, որտեղ հավասար բաժնեմասեր ունեին, գրանցել են իրենց ձկնաբուծարանը: Տարիել Բարսեղյանը եղել է ՀՀ Գերագույն դատարանի նախագահը, այժմ ԵՊՀ քաղաքացիական իրավունքի ամբիոնի պատվավոր վարիչն է, ինչպես նաեւ արդարադատության խորհրդի անդամը, ունի դոկտոր-պրոֆեսորի գիտական աստիճան: Սակայն իրականում ձկնաբիզնեսով և կերերով զբաղվում է Տարիել Բարսեղյանի որդին` ՀՀ ԿԱ պետեկամուտների կոմիտեի նախագահի տեղակալ, ՀՀԿ անդամ Տիգրան Բարսեղյանը, թեև 74-ամյա հայրը պնդում է, որ անձամբ ինքն է զբաղվում բիզնեսով, որդին դրա հետ կապ չունի: Սիփանիկի գյուղացիները մեզ հետ զրույցներում պատմեցին, որ Տիգրան Բարսեղյանն է հաճախ լինում ձկնաբուծարանում:

Բացի վերոնշյալ ընկերություններից, Գարիկ Սլոյանը և Տարիել Բարսեղյանը մեկ այլ ընկերություն են գրանցել այս տարվա հուլիսին և ձկան կերի ներկրում իրականացնում են նաև «Վեների» ՍՊԸ-ով: Ըստ ամենայնի, այս նոր ընկերությունը ՊԵԿ-ի տեղակալը ստեղծել է, որպեսզի գերիշխող դիրքի չարաշահում չդիտարկվի, քանզի այս տարվա փետրվարի 20-ին ձկան կերի շուկայի ուսումնասիրության արդյունքում ՏՄՊՊՀ-ն «Սագատի» և «Սագատի Ֆիշ» ընկերությունները ճանաչել է գերիշխող դիրք զբաղեցնողներ:

Հ.Գ. Ձկան կերի որակին, գներին և ներկրման աշխարհագրությանը կանդրադառնանք առաջիկայում: 

Լուսանկարում` ձախից` ՊԵԿ-ի նախագահի տեղակալ Տիգրան Բարսեղյանը և ԱԺ նախագահ Հովիկ Աբրահամյանը


Գլխավոր էջ



Մեկնաբանություններ (6)
1. Մեսրոպ Հարությունյան22:38 - 2 հոկտեմբերի, 2013
Հոդվածը լավն էր: Ապրեք: Բայց այսպիսի սխալներ չի կարելի թույլ տալ: Մեջբերում եմ. «Սագատի» և «Սագատի Ֆիշ» (նույ տնտեսվարող սուբյեկտն է` տարբեր կազմակերպություններով), ինչպես նաև «Մխչյան Ֆիշ Ֆուդ» ՍՊԸ-ները գրավում են տվյալ շուկայի ավելի քան մեկ երկրորդը` 80 %-ը»: Հարգելիներս՝ 80% - ը ավելի քան մեկ երկրորդ չէ, այլ ուղիղ չորս հինգերորդ: Ավելի քան մեկ երկրորդը կարող է լինել 55 տոկոս, առավելագույնը՝ 59 տոկոս, որովհետեւ 60 տոկոսն էլ արդեն երկու հինգերորդ է... Ավելի լավ էր հոդվածում պարզապես գրել 80 տոկոս է: Դրանով ամեն ինչ ասված է: Կարող եք այս մեկնաբանությունը չհրապարակել, սա ձեր հետագա գործունեության համար է :
2. Քրիստինե 23:40 - 2 հոկտեմբերի, 2013
Հարգելի պրն Հարությունյան, տվյալ հաշվարկը ՏՄՊՊՀ-ինն էր, որին չէինք ցանկացել միջամտել: Այդուհանդերձ, դիտարկման համար շնորհակալ ենք, այն հաշվի առանք:
3. arthur11:35 - 3 հոկտեմբերի, 2013
if you have time, you can also look into who is the sole importer of chicken leq quarters into Armenia(hint-the sugar guy).
4. Goga21:38 - 3 հոկտեմբերի, 2013
Qristina, Kareli e Dzez mek anhamest Harc tal?
5. Վարազ Սյունի (Ամստերդամ) 02:49 - 4 հոկտեմբերի, 2013
Այլ խոսքերով՝ սա կոչվում է պետական մակարդակով մաֆիա-մոնոպոլիա: Պետական-իշխանական լծակների օգտագործում՝գերհարստանալու նպատակով: ՍՈՓԵՍՏՈՒԹՅՈՒՆ են անում. իբր թե ԵԽԽՎ-ում Զ.Փոստանջյանի ընդամենը մի ՀԱՐՑ «վնասեց» երկրին:
6. Greta14:23 - 5 հոկտեմբերի, 2013
Grisha ja, apres shat lav hodvac e, bayc apsos, vor voch mi ban chi poxvum.
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ