Չորեքշաբթի, 19 սեպտեմբերի

Մշակույթի նախարարությունը չի հրաժարվել Գառնիի տաճարում սրճարան կառուցելու մտքից



Երկու ամիս  առաջ հասարակության ակտիվ նախաձեռնությունների եւ ճնշումների ներքո մշակույթի նախարարությունը հայտարարեց «Գառնի»  պատմամշակութային արգելոց-թանգարանի տարածքում սրճարան կառուցելու մտքից հրաժարվելու մասին: Սակայն այն, ըստ էության, խաբկանք էր հանրությանը լռեցնելու համար: Շինարարությունը նախաձեռնած «Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ը դրանից հետո պարտավորված էր վերացնելու շինարարության հետքերը, վերականգնելու տաղավարներ տեղադրելու նպատակով քանդված հենապատը:

Արգելոց-թանգարանի տարածքում սրճարան կառուցելու ծրագրից հարկադրաբար հրաժարվելուց հետո ՊՈԱԿ-ը հայտարարեց շինհրապարակի վերածած տարածքը բարեկարգելու մասին: Սակայն, պազվում է, որ քանդած հենապատը վերականգնելու հետ մեկտեղ ՊՈԱԿ-ի աշխատակիցները բետոնապատել են տարածքը` այն հարմարացնելով տաղավարներ տեղադրելուն:

Մինչ այդ, Գառնիի տաճարում սրճարան կառուցելու հարցը քննարկվել էր  փոխվարչապետ, տարածքային կառավարման նախարար Արմեն Գեւորգյանի մոտ:

Քննարկմանը մասնակցել էին նաեւ քաղաքաշինության նախարարության աշխատակիցները եւ Գառնի համայնքի ղեկավարը, որոնք հիմնավորել էին, որ արգելոցի տարածքում անթույլատրելի է տնտեսական գործունեություն իրականացնելը, եւ ՊՈԱԿ-ը շինարարության թույլտվություն չի կարող ստանալ: Բացի այդ, ՊՈԱԿ-ի խնդիրը պատմամշակութային հուշարձանների պահպանումն է եւ ոչ թե տնտեսական գործունեություն ծավալելը:

Սակայն, մինչ օրս մշակույթի նախարարությունը ոչինչ չի ձեռնարկել «Գառնի» պատմամշակութային արգելոց-թանգարանում առկա խնդիրները լուծելու համար: Մեր նախորդ հրապարակման մեջ հայտնել էինք 3-րդ դարի Արքունի բաղնիքի խճանկարի քանդվելու մասին: Ավելի քան երեք տարի է ձմռան հալոցքներից ջուրը ներծծվելով քանդում է դիցաբանական բովանդակությամբ խճանկարը, սակայն ՊՈԱԿ-ի տնօրենը մինչ օրս ոչինչ չի ձեռնարկել վթարային վիճակը վերացնելու եւ խճանկարը փրկելու համար: Չբարեկարգվեց անգամ արգելոցի տարածքի սալիկապատ ճանապարհը:


Գլխավոր էջ



Մեկնաբանություններ (4)
1. nune19:48 - 6 մայիսի, 2014
mer azgi mech ayskan anamotner yerp haytnvecin .
2. Մանվել21:48 - 6 մայիսի, 2014
առանց նեղանալու... յուրաքանչյուր անգամ անմխիթար, քանդված կամ անտարբերության մատնմված հուշարձան եմ տեսնում, միանգամից հիշում եմ համապատասխան կառույցների համապատասխան պաշտոնյաների ծնողներին՝ հանձինս էն բեղավորի, ով իրեն դրել է մեծ կղանքի տեղ ու փթած գրչի հարրվածներով ազգադավ որոշումներ կայացնում:
3. նազարապետ09:51 - 7 մայիսի, 2014
Բոշի երեսներ, թքիր ինչքան ուզես: Իրենց ուզածին պիտի հասնեն ամեն գնով: Հին վրչապետ, նոր վարչափետ - էծի ցա՜վ: Պետության ու պետականության տնազ! Երկրի վրան կեղտոտել ան ու մեջը թավալ ան տալիս բախտախնդիր անպիտանները: Ամեն ինչ կտան, մենակ թե ԱԹՈՌԻՑ ՉՊՈԿՎԵՆ, թե չե որ պոկեցին կարող է հենց Գառնիի ձորն էլ գլորեն:
4. Արուսյակ13:19 - 7 մայիսի, 2014
Պետական բարձր հովանու ներքո այս թուրքացած բարբարոսներից փրկություն չկա՞: Միայն տականքները կարող են պղծել հայ ազգի վեհագույն ամրոցը: Դրանց նողկալի որկրամոլ, պիղծ երախները հնարավոր չէ՞ այնպես զմռսել, որ հավիտյան մնան զմռսված: Բավական չէ՞, արդյոք, մեր ազգի առանց այն էլ ծայրաստիճան պրկված նյարդերը բզկտեն, հոշոտեն իրենց պիղծ թաթերով:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ