Հինգշաբթի, 20 սեպտեմբերի

Կեչառիսի տարածքը չի՞ ազատվելու հարկերից



Հայ Առաքելական եկեղեցու դիվանապետ Արշակ եպիսկոպոս Խաչատրյանն այսօր լրագրողների հետ հանդիպումից հետո հրաժարվեց պատասխանել «Հետքի» հարցերին. «Կգնաս կգրես, թե Արշակ սրբազանը անիծել է քեզ»,- ասաց նա:

Սակայն մինչ այդ, դեռեւս չիմանալով ով եմ, պատասխանեց մի քանի հարցի` ասուլիսի ժամանակ:  

-         Արդյո՞ք եկեղեցուն գույքի եւ հողահարկի արտոնություններ տալու օրինագծի համաձայն Կեչառիսի վարձակալած տարածքը ազատվելու է հարկերից:

-         Ոչ:

-         Իսկ դա նշանակո՞ւմ է, որ եկեղեցու վարձակալած տարածքները հարկվելու են:

-         Դա կախված է տվյալ տարածքի` հոգեւոր, մշակութային գործառույթներից: Պետք է նայվի, թե ինչ նպատակով են գործածվում այդ տարածքները: Ինձ զարմացնում է փաստը, որ դուք դա անվանում եք ռեստորան: Ո՞ւմ համար է գաղտնիք, որ մարդիկ եկեղեցի գնալիս, պետք է կարողանան հոգալ նաեւ իրենց կենցաղային կարիքները: Տուրիստներ են գնում էնտեղ, միգուցե մի կտոր բան ուտեն,- Արշակ եպիսկոպոս Խաչատրյան:

-         Այդ կառույցը տուրիստներին կերակրելուց բացի նախատեսված էր հարսանիքների անց կացման համար: Մենք ինքներս արդեն նկարահանել եւ վաղուց հրապարակել ենք, թե ինչի համար է դա նախատեսված:

-         Ես տեսել եմ ինչպես եւ ինչ ոճով եք մուտք գործել ու նկարել: Ռեստորան ասելով` պետք չէ ապշահար դեմք ընդունել: Եթե եկեղեցու տարածքում հնարավոր է այնպիսի տարածք ստեղծել, որ մարդիկ գնան, իրենց կենցաղային բնական պայմանները ստեղծեն, կարիքները հոգան, ինչո՞ւ չանել:

-         Ուրեմն Կեչառիսում իրականացվող շինարարությունն էլ ծառայում է եկեղեցու հավատացյալների համար եւ կարող է հոգեւոր նշանակություն ունենալ:

-          Դա ձեռնարկատիրական գործունեություն է եւ պետք է  հարկել:

 


Գլխավոր էջ


Տես նաև՝

ավելին



Մեկնաբանություններ (1)
1. Harganqnerov mard16:28 - 28 հոկտեմբերի, 2011
Shat hstak ev konkret patasxan Srbazan Hor koxmic, vorr@ inqnin entadrum e hetqi hetaqrrqrasirutyan korust ays harci veraberyal.
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ