Երկուշաբթի, 23 հոկտեմբերի

«Մեր ոսկին մեր պատմությունն է». արդվեցիները հանքատերերի առաջ փակեցին ճանապարհը



Լոռու մարզի Արդվի գյուղի բնակիչներն ավելի քան մեկուկես ժամ է` փակել են իրենց գյուղ տանող ճանապարհը՝ ոսկու հանքի երկրաբանական ուսումնասիրություն իրականացնող ընկերության ներկայացուցիչների առաջ։

Այսօր Արդվիի համայնքապետարանում նախատեսված էին հանրային լսումներ, սակայն գյուղացիները որոշեցին հենց ճանապարհից հետ դարձնել հանքի համար երկրաբանական ուսումնասիրություններ անցկացնող «Միռամ» ՍՊԸ-ի ներկայացուցիչներին։

«Մեր ոսկին մեր պատմությունն է», «Հեռու Արդվուց», «Արդվին հայոց սրբավայր է» և այլ կարգախոսներով ցուցապաստառներ են պարզել արդվեցի երեխաները։

Գյուղապետարանի հաշվապահ Անդրանիկ Կիրակոսյանն ասում է, որ գյուղը 566 հա արոտավայր ունի, որից 140-ն ուզում են ոսկու ուսումնասիրության համար վերցնել, և իրենց բան չի մնա. «Մենք պատմություն ունենք, գերեզմաններ ունենք, ջրի աղբյուրներ ունենք էնտեղ։ Մենք իրենց տալու բան չունենք»,- ասաց ճանապարհը փակող գյուղացիներից մեկը։

Հանրային քննարկումները նախատեսված էին ժամը 12։00-ին, սակայն առայժմ ընկերության ներկայացուցիչները չեն ժամանել Արդվի։ Փոխարենը գյուղացիներին աջակցելու են եկել բնապահպաններն ու «ԵԼՔ» խմբակցության պատգամավոր Գևորգ Գեորգիսյանը։

Հանրային լսման ժամանած բնապահպանության  նախարարության ներկայացուցիչները մեքենայից դուրս չեն գալիս՝ լսելու ճանապարհը փակած գյուղացիների բողոքները։

Նրանք ասում են, որ պատրաստ են քննարկել բոլոր խնդիրները՝ հանրային քննարկման համար նախատեսված վայրում, այն է՝ գյուղապետարանը։

Ոստիկանության Թումանյանի բաժնի ծառայության գծով պետի տեղակալ Հրանտ Վարդանյանը փորձում էր հավաքվածներին համոզել, որ ճանապարհ փակելը ձև չէ, սակայն գյուղացիները պատասխանեցին, որ ճանապարհը փակ է միայն «Միռամ» ընկերության ներկայացուցիչների համար, մնացած բոլոր մեքենաները ելումուտ են անում գյուղ։

Հիշեցնենք, որ Լոռու մարզի Շեկաղբյուրի ոսկի-բազմամետաղային հանքերևակման տարածքում 2017-2020թթ. նախատեսվում է իրականացնել օգտակար հանածոների երկրաբանական ուսումնասիրության աշխատանքներ: «Միռամ» ՍՊԸ-ն բնապահպանության նախարարություն է ներկայացրել երկրաբանահետախուզական աշխատանքների շրջակա միջավայրի վրա ազդեցության նախնական գնահատման հայտը:


Գլխավոր էջ


Տես նաև՝

ավելին



Մեկնաբանություններ (4)
1. simon16:11 - 26 հուլիսի, 2017
Ապրեն! Աստւած օգնի էտ յազվից պրծնեն
2. Սարգիս22:15 - 26 հուլիսի, 2017
էս էլ ա պետք նայել http://hetq.am/arm/news/80913/hanqardyunaberakan-ynkerutyan-nerkayacucichnery-heracan-gyuxic-ardvecinery-bacecin-tchanaparhy.html
3. Այդ գյուղը մեծ մարդիկ է տվել ՝17:24 - 27 հուլիսի, 2017
http://buh.am/2017/07/22/%D5%AC%D5%B8%D6%80%D5%AB%D5%BD-%D5%B4%D5%A5%D5%AC%D5%AB%D6%84%D5%B8%D5%BE%D5%B6%D5%A5%D6%80%D5%AB-%D5%AC%D5%A5%D5%A3%D5%A5%D5%B6%D5%A4%D5%A1%D6%80-%D5%BF%D5%B8%D5%B0%D5%B4%D5%AB-%D5%B0%D5%A1%D5%B6/
4. ՀՀԿ -ն ընդեմ կոռուպցիայի!22:41 - 28 հուլիսի, 2017
համը ոնց որ դուս ա եկել, հհկ դեպուտատների շեֆն ասում ա թե ինքը բանից տեղյակ չի, բայց լրագրողների մերը չմեռնի, ղուզղունի նման քրքրում են .... http://www.1in.am/2182080.html
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ