Արմավիրի մարզի Սարդարապատ գյուղում խաղողի ակտիվ բերքահավաք է։ Այգիներում մի քանի մետր հեռավորության վրա տարբեր խաղողագործներ իրենց աշխատակիցների հետ խաղողի վերջին բերքն են հավաքում ՝ գինու և կոնյակի գործարաններին հանձնելու համար։ Սարդարապատցիները չեն բողոքում խաղողի այս տարվա բերքից, ասում են՝ նախորդ տարվա կարկուտի հասցրած վնասներից հետո, այս տարի կկարողանան երկու տարվա կուտակված պարտքերը մարել։