Հինգշաբթի, 24 մայիսի

Լիա Պողոսյան. «Հեղափոխությունը դեռ չի հասել դատարաններ, դատախազություններ, քննչականներ» (տեսանյութ)



Ակտիվ քաղաքացի, 3 որդիների հայր Ներսես Պողոսյանն արդեն երկու տարի ազատազրկման վայրում է: Նա դատապարտվել է 3 տարի 5 ամսվա ազատազրկման «Ժիրայր Սեֆիլյանի և մյուսների» գործով: Երեկ Վերաքննիչ դատարանը մերժել է փոխել կամ վերացնել Ժիրայր Սեֆիլյանի ու Ներսես Պողոսյանի խափանման միջոց կալանքը առանց նրանց ու նրանց պաշտպանների ներկայության: Վերաքննիչ դատարանի դատավորների այս քայլը առաջացրել է ամբաստանյալների հարազատների ու քաղաքացիների վրդովմունքը: Այսօր նրանք՝ Ներսես Պողոսյանի կնոջ՝ Լիա Պողոսյանի նախաձեռնությամբ, հավաքվել էին Վերաքննիչ դատարանի մոտ՝ բողոքի ձայն բարձրացնելու և պահանջելու ազատություն:  

Լիա Պողոսյանը նշեց, որ ինքը՝ Ներսեսը, համաժողովրդական շարժման հաղթանակով ոգևորված է, սպասում է դրական փոփոխությունների. «Ներսեսը, ես տարիներով ենք պայքարել փոփոխությունների համար»:

Մասնագիտությամբ իրավաբան Լիան ասում է, որ ամուսնու գործը իրավական հարթությունից դուրս է, գտնվում է քաղաքական տիրույթում: Վերաքննիչ դատարանի երեկվա մերժումները նա պատճառաբանում է հրահանգի բացակայությամբ. «Դատավորները պարզապես սովոր չեն առանց հրագանգների աշխատել, իսկ հեղափոխությունը դեռ չի հասել դատարաններ, դատախազություններ, քննչականներ»:

Լիա Պողոսյանը հիշեցրեց, որ դեռևս ամիսներ առաջ, դեռ մինչև հեղափոխությունը, «Ելք» խմբակցության անդամները երաշխավորել են, որ փոխվի Ներսես Պողոսյանի խափանման միջոցը, սակայն դատավոր Տաթևիկ Գրիգորյանը մերժեց այն: «Ստորագրողներից մեկն արդեն վարչապետ է, մյուսը՝ փոխվարչապետ, երրորդը՝ արդարադատության նախարար...»,-ասում էր Լիա Պողոսյանը:

Հիշեցնենք՝ «Ժիրայր Սեֆիլյանի և մյուսների» գործով՝ արդարացման պահանջով վերաքննիչ բողոքը կլսվի մայիսի 30-ին


Գլխավոր էջ



Մեկնաբանություններ (1)
1. Լուսիկ00:14 - 16 մայիսի, 2018
Հեղափոխությունը կհասնի դատարան, եթե դատավորների մի մասից համակարգն ազատվի: Փաստաբանները լավ գիտեն այն դատավորներին, ովքեր նախկին իշխանության պատվերով վճիռներ են կայացրել ընդդիմադիրների նկատմամբ: Այդ դատավորների նկատմամբ պետք է կիրառվի լյուստրացիա, ինչը կբացառի ոչ միայն նրանց աշխատելը դատաիրավական համակարգում, այլ կբացառի նման խամաճիկների հայտնվելը նոր իշխանությունների օրոք դատավորի աթոռին:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ