Պաշտոնական վերջին տվյալներով՝ մերձմոսկովյան «Կրոկուս Սիթի Հոլ» համերգասրահում տեղի ունեցած ահաբեկչական հարձակման հետևանքով զոհերի թիվը հասել է 133-ի։ Այդ մասին հայտնում է ՌԴ քննչական կոմիտեն։

««Կրոկուս Սիթի Հոլ»-ի փլատակները մաքրելիս հայտնաբերվել են զոհվածների մարմիններ: Այսպիսով, զոհերի թիվն այս պահին կազմում է 133 մարդ։ Որոնողական աշխատանքները շարունակվում են»,- ասված է ռուսական գերատեսչության հաղորդագրության մեջ։

Ավելի վաղ Baza-ն պնդում էր 143 զոհի մասին։ Տելեգրամյան 112 ալիքի տվյալներով՝ զոհվել է 150 մարդ, տուժել՝ 200-ը։ Այս տեղեկությունը հաստատող այլ տվյալներ չկան։

Մոսկվայի մարզի առողջապահության նախարարության տվյալներով էլ տուժել է 127 մարդ։

Լուսանկարը՝ Агентство «Москва»-ի