Մուղալյանի և ընկերների գործով ամբաստանյալ Արթուր Քլյանի վիճակը վատ է, նրան տեղափոխում են հիվանդանոց
Արամ Մուղալյանի և ընկերների գործով դատական նիստը ընդմիջումից հետո կրկին հետաձգվեց 10 րոպեով. կտրուկ վատացավ ամբաստանյալներից Արթուր Քլյանի առողջական վիճակը:
Հիշեցնենք, որ վերջինիս ամիսներ առաջ գրավով ազատ էին արձակել:
Արթուր Քլյանի վիճակն այնքան վատ էր, որ շտապօգնություն կանչելու անհրաժեշտություն առաջացավ: Մինչ շտապօգնության ժամանելը նրան պառկեցրին դատարանի աթոռների վրա: Շտապօգնության ժամանումից հետո բժիշկները քննեցին, ներարկումներ արեցին: Այդ ընթացքում Արթուրը հազիվ լսելի ձայնով կրկնում էր, որ իրենց դատելու են:
Արթուր Քլյանին այս պահին տեղափոխում են հիվանդանոց: Նա ինքնուրույն տեղաշարժվել չի կարողանում: Տեղափոխում են պատգարակով:
Նշենք, որ առաջին ընդմիջումից հետո դատարանը մերժեց նաև Փիլոյանին կալանքից ազատելու միջնորդությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (1)
Մեկնաբանել