Մանրամասները ընկերությունը կհրապարակի ավելի ուշ
Կապանի նախկին լեռնահարստացման կոմբինատի հանքում օրերս տեղի ունեցած դժբախտ պատահարի կապակցությամբ ձեռնարկությունը հանդես է եկել մամլո հաղորդագրությամբ: «Դինո գոլդ մայնինգ քամփնին» ափսոսանքով հայտնում է, որ «նոյեմբերի 14-ի երեկոյան ընկերության Շահումյանի ստորգետնյա հանքի հարավային տեղամասում տեղի է ունեցել վթար, որի հետևանքով վնասվածք է ստացել ընկերության աշխատող Արա Գարեգինի Պողոսյանը:
Նրան անմիջապես տեղափոխել են Կապանի Բժշկական կենտրոն, որտեղ նա դեռ գիտակցության մեջ էր, և որտեղ նրան ցուցաբերվել է բժշկական օգնություն: Արա Պողոսյանը մահացել է հիվանդանոցում նոյեմբերի 16-ին: Դեպքի վայրը մեկուսացվել է, և ընկերության անվտանգության և բուժօգնության բաժնի աշխատողները Տեխնիկական անվտանգության ազգային կենտրոնի ներկայացուցիչների հետ մանրամասն հետաքննում են պատահարը: Ընկերությունը խորապես վշտում և ցավակցում է մահացողի հարազատներին և ընկերներին և հանքի բոլոր աշխատողներին` արժեքավոր գործընկերոջը կորցնելու կապակցությամբ: Գործի մանրամասնությունների հետ կապված տեղեկությունները կներկայացվեն հետաքննությունը ավարտելուց հետո»,-ասված է պաշտոնական հաղորդագրության մեջ: Հիշեցնենք, որ Կապանի բնակիչ, 1966թ. ծնված Արա Գուրգենի Պողոսյանը դեպքից հետո Կապանի բժշկական կենտրոն էր տեղափոխվել բարդ, կյանքի հետ անհամատեղելի վնասվածքներով ու նոյեմբերի 16-ի երեկոյան մահացել է:
Մեկնաբանել