ՀՀ արտաքին գործերի նախարար Էդվարդ Նալբանդյանը հաղորդագրություն է տարածել Ֆրանսիայում այս գիշեր տեղի ունեցած ահաբեկչական գործողությունների վերաբերյալ:

«Հայաստանը Ֆրանսիայի կողքին է: Խստորեն դատապարտում ենք Փարիզում իրականացված մարդատյաց ահաբեկչական գործողությունները։ Ցավակցում և մեր զորակցությունն ենք հայտնում Ֆրանսիայի բարեկամ ժողովրդին: Ահաբեկչության դեմ պայքարը ողջ քաղաքակիրթ աշխարհի պայքարն է»,- ասել է Է. Նալբանդյանը։