Ինչպես արդեն հայտնել ենք, այսօր երկու վթար է գրանցվել Սյունիքի մարզի հանքերում, որոնք շահագործում են Զանգեզուրի պղնձամոլիբդենային կոմբինատի տնօրեն Մաքսիմ Հակոբյանի ընկերությունները: 

Առաջին վթարը եղել է ժամը 08:30-ի սահմաններում Նոր Աստղաբերդ (Աջաբաջ) համայնքում՝ «Լեռ-էքս» ՍՊԸ-ի կողմից շահագործվող հանքում: Վթարի հետևանքով պոչանքները լցվել են Նոր Աստղաբերդով հոսող գետը: 

Երկրորդը գրանցվել է ժամը 15:00-ի սահմաններում. ԶՊՄԿ-ի Արծվանիկի պոչամբարի հոսքաջրերը թափվել էին Նորաշենիկ գետը:

Կապանի «Կայուն զարգացում» ՀԿ-ի նախագահ Արմեն Փարսադանյանը «Հետքին» փոխանցել է վթարների հետեւանքների տեսագրությունները, որոնք ներկայացնում ենք ստորեւ: