HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Դալարիկի համայնքապետը լիազորությունները դադարեցնելու դիմում է ներկայացրել

Երեկ լիազորությունները վաղաժամկետ դադարեցնելու դիմում է ներկայացրել Արմավիրի մարզի Դալարիկի համայնքապետ Պարգև Սաղաթելյանը: Վերջինս «Հետք»-ին տեղեկացրեց, որ առողջական վիճակը լավ չէ և գնալու է բուժման: Պարգև Սաղաթելյանն ասաց, որ ավագանին արդեն հավանություն տվել է համայնքապետի լիազորությունների դադարեցմանը:

Նշենք, որ Պարգև Սաղաթելյանը Հանրապետական կուսակցության անդամ է: Դալարիկի համայնքապետի պաշտոնը զբաղեցնում է 19 տարի՝ 1999 թվականից:

Մեր տեղեկություններով համայնքապետի լիազորություններից հրաժարվելն ամենևին այլ պատճառներ ունի: Տեղեկացրել էինք, որ Արմավիրի մարզպետ Գագիկ Միրիջանյանը այսօր Դալարիկ համայնքում իրավական և մասնագիտական հսկողություն իրականացնելու մասին որոշում էր ընդունել: Մարզպետարանից տեղեկացրել էին, որ մինչ այդ Դալարիկ համայնքի բնակիչը համայնքապետի գործունեության վերաբերյալ բողոք-նամակ է հասցեագրել վարչապետին: Նամակի առնչությամբ տարածքային կառավարման և զարգացման նախարարը հանձնարարականէ տվել՝ հարցը քննարկելու, դիմումատուին պատասխանելու և անհրաժեշտության դեպքում իրավապահ մարմիններին դիմելու վերաբերյալ: Մարզպետը ստացել է նախարարի համաձայնությունը, և համայնքապետարանում ստուգումներ են իրականացվել:

Ստուգումներն արդեն ավարտվել են, և համայնքապետի դիմումը կապված է նաև ստուգման արդյունքների հետ: Երբ այդ մասին հետաքրքրվեցինք Պարգև Սաղաթելյանից, հարցը լսելուց հետո նա անջատեց հեռախոսը:

Դալարիկ համայնքում իրականացված իրավական և մասնագիտական հսկողության արդյունքներին կանդրադառնանք առաջիկայում:

Մեկնաբանություններ (2)

HAGOP
HEALTH REASONS. YEAH RIGHT! ADD THIS SCUM BAG'S NAME TO THE LIST OF SCUM BAGS IN ARMENIA WHO HAVE DESTROYED THE COUNTRY AND PEOPLE THROUGH THEIR CORRUPTION! INVESTIGATE HIM!!!!
vazgen
inch

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter