HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Մանվել Գրիգորյանը արժանապատվությանը պատճառված վնասի հատուցման պահանջով դիմել է դատարան

ԱԺ նախկին պատգամավոր, ներկայումս կալանքի տակ գտնվող Մանվել Գրիգորյանը պատվին, արժանապատվությանը պատճառված վնասի հատուցման պահանջով, ընդդեմ «Մաքսինֆո» լրատվամիջոցի, դիմել է Երևան քաղաքի ընդհանուր իրավասության դատարան: Մ. Գրիգորյանը որպես փոխհատուցում պահանջում է 3 մլն դրամ:

Մ. Գրիգորյանի ներկայացուցիչ, փաստաբան Կարեն Ղոնյանը «Հետք»-ին տեղեկացրեց, որ վերջնական դատական ակտով հօգուտ հայցվորի բռնագանձված գումարը Մանվել Գրիգորյանն ամբողջությամբ հատկացնելու է մանկատներից մեկին:

Թերթը գրել է մի հոդված՝ վկայակոչելով քաղաքացի Անահիտ Մնացականյանին: 1991-1992թթ. ընթացքում սահմանին հարող ադրբեջանական բնակավայրերից թուրք ավազակախմբերը ներխուժել են Սիսիանի սահմանամեձ գյուղեր և գողացել անասուններ: Գողացված անասուններին ետ բերելու նպատակով Սիսիանի ներքին գործերի բաժնի պետ և միաժամանակ Սիսիանի շրջանի պարետ Կարեն Զարբաբյանի ղեկավարությամբ, ով Ա. Մնացականյանի ամուսինն է եղել, 3 օր Սիսիանի բարձրադիր սարերից կատարվել են հետախուզական աշխատանքներ: Ադրբեջանի տարածքից բռնագրավվել է 1500 գլուխ ոչխար:

Ըստ հոդվածի՝ այդ մասին Կարեն Զարբաբյանը տեղեկացրել է Վազգեն Սարգսյանին, և նրա անմիջական ցուցմունքով այդ 1500 գլուխ ոչխարը հանձնվել է Մանվել Գրիգորյանին: Որոշ ժամանակ անց ստացվել է տեղեկություն, որ այդ 1500 գլուխ ոչխարը վաճառվել է թուրքերին:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter